ئه‌رێ دروسته قورچا ئێكێ ودوێ یێن ڤاكسینێ كۆرۆنایێ وه‌كو ئێك نه‌بن؟
ئه‌ڤرۆ:
زه‌لامه‌كێ ئه‌مریكی ب ناڤێ “كریگ ریچارد”، ب دو قورچێن جێوازێن ڤاكسینێ كۆرۆنایێ هاته ڤاكسیندان، ئه‌ڤه‌ژی ژ ئه‌گه‌رێ وێ چه‌ندێ سه‌رپه‌رشتیارێ پڕۆسه‌یا ڤاكسیندانیێ شاشیه‌ك كربوو د دیاریكرنا ڤاكسینێ دا، هه‌ر چه‌نده ده‌سه‌لاتدارێن ئه‌مریكا هۆشداریێ د ده‌ن، نابیت ب دو جۆرێن ڤاكسینی بهێنه ڤاكسیندان.
ل دووڤ راپۆرته‌كا رۆژناما “ده‌یلی مه‌یل” یا بریتانی، “ریچارد” ده‌ستپێكێ ڤاكسینێ “مۆدێرنا” وه‌رگرتبوو، به‌لێ پشتی دەربازبوونا (4) حه‌فتیان ڤه‌گه‌ریا كو قورچا دوێ وه‌ربگریت، ب شاشیڤه ڤاكسینێ “فایزه‌ر” بو هاته دانان.
ریچارد ئاماژه كر، قورچا ئێكێ یا ڤاكسینێ كۆرۆنایێ ل (16ێ ئادار/ مارس) وه‌رگرتیه، پشتی (4) حه‌فتیاه‌ن ڤه‌گه‌ریام بو وه‌رگرتنا قورچا دوێ، ل (13)ێ ڤێ هه‌یڤێ قورچا دوێ من وه‌رگرت، به‌لێ پاش تشته‌كێ نه‌چاڤه‌رێكری روودا.
ئاماژه كر، تاسان و سه‌رسامیا د سه‌روچاڤێن نۆشداری دا من دیت، راسته‌وخۆ پشتی پێدانا قورچا دوێ یا ڤاكسینێ كۆرۆنایێ، سه‌حكره كارتا من، سه‌رنجا وێ چه‌ندێ كر كو ڤاكسینێ مۆدێرنا دایه من ل جهێ ڤاكسینێ فایزه‌ر.
ریچارد ئاشكراكر، پشتی نۆشداری هه‌ست ب شاشیا خوه كری، هه‌ر زوو ژ ژوورا خوه چوو ده‌رڤه، پشتی چه‌ند خوله‌كه‌كا سه‌رپه‌رشتیارێ گشتیێ پرۆسا ڤاكسیندانێ هات و دلنیا كرم و گۆته من دێ ب “سه‌لامه‌ت بی و تووشی چ كاریگه‌ریه‌كێ نابی”.
هه‌ر چه‌نده به‌رپرسێ ته‌ندروستی پێ راگه‌هاندبوو، كو دێ ب سلامه‌ت بیت، به‌لێ ده‌سه‌لاتدارێن ته‌ندروستی ل ئه‌مریكا پێشتر هۆشداریا وێ چه‌ندێ دابوو، كو پێدانا دو قورچێن جیاوازێن ڤاكسینێ كۆرۆنایێ دێ كاریگه‌ریا خوه ل سه‌ر ساخله‌میێ هه‌بیت.
د ده‌مه‌كی دا كو سه‌نته‌رێ كۆنترۆلا نه‌خۆشی و خۆپارێزیێ (CDC) رێنمایی یێن ده‌رخستین، كو پێدانا دو قورچێن ژێكجودا یێن ڤاكسینێ كۆرۆنایێ، ب تنێ دێ ل حاله‌تێن تایبه‌ت بیت.
ئاماژه ب وێ چه‌ندێ كریه، پێدانا هه‌ر ڤاكسینه‌كێ كۆرۆنایێ یێ به‌رده‌ست، ب تنێ بۆ حاڵه‌تێن تایبه‌ته، كو دناڤبه‌را هه‌ردو قورچان دا (28) رۆژ كێمتر نه‌بن.
رۆژا چارشه‌مبیا بوری، وه‌زاره‌تا ساخله‌میێ ل ویلایه‌تێن “نیو هامپشایر”یا ئه‌مریكا به‌یاننامه‌یه‌كێ دا دیاركریه، كو “ریچارد” دێ ب سلامه‌ت بیت.
د به‌یاننامێ دا هاتیه، تێكه‌لكرنا قورچێن ڤاكسینی یا ب سه‌لامه‌ته، ل دووڤ رێنمایێن سه‌نته‌رێ كۆنترۆلكرنا نه‌خۆشیێ، به‌لێ تێكه‌لكرنا وان دده‌مه‌كی دایه، هه‌كه جورێ ڤاكسینا قورچا ئێكێ یا به‌رده‌ست نه‌بوو.
تُتاح هذه الصورة أيضا في: کوردی
