95 ساليا رۆژا قه‌زابوونا شێخان هاته ساخكرن
تۆرا لالش يا راگه‌هاندنێ
ئێڤاريا ئيرۆ 16/12/2019ێ لبن دروشمێ(شێخان وارگه‌هێ شارستانيه‌ت و ديرۆك و برايه‌تى و به‌رخودانێ يه) و ب چاڤدێريا “سه‌ردار يه‌حيا” قايممقامێ قه‌زا شێخان و نوونه‌رێ ميرێ ئێزديا و نوونه‌رێ لقێ 20ێ پارتى و نوونه‌رێن پارتێن سياسى و دام و ده‌زگه‌هێن ميرى و ره‌وشه‌نبير و زه‌لامێن ئايينى و ريهسپيێن ده‌ڤه‌رێ 95 ساليا رۆژا قه‌زابوونا شێخان هاته ساخكرن.
ل پێشيێ ئاماده‌بووى خۆله‌كه‌كێ لسه‌ر گيانێ جانگۆريێن كوردستانێ و سه‌روه‌رێ وان بارزانێ نه‌مر و كاك ئدريس بارزانى سه‌كنين،پاشى قايممقامێ شێخان په‌يڤه‌ك پێشكێشكر و ئاماژه دا گرنگيا قه‌زا شێخان ژلايێ سياسى و جوگرافى و جڤاكى و ره‌وشه‌نبيرى و ئابوورى و ب باژێرێ پێكڤه‌ژيانێ ب هه‌مه‌جۆريا ئايينى و نه‌ته‌وه‌يى هژمارت.
دبرگه‌يه‌كا دى دا كورته فلمه‌ك لدۆر ده‌ڤه‌رێن شوونوارى و مه‌زارگه‌هـ و په‌رستگه‌هێن ئايينى و ساخكرنا هه‌لكه‌فتان هاته نيشاندان.
هه‌روه‌سا وه‌ك وه‌فادارى بۆ شێخان چه‌ند هۆزان و ستران ژلايێ هۆزانڤانان و تيپا نه‌هدار يا موزيكێ ڤه هاتنه گۆتن،ل پێرا ياداشتنامه‌ك پێشكێشى قايممقامێ شێخان هات كرن پێكهاتى بوو ژ چه‌ند داخوازيێن قه‌زا پێتڤى پێ هه‌ى بۆ به‌رژه‌وه‌ندا گشتى.
هه‌ر درێوره‌سمان دا به‌رێز “عبدالله فندى” وه‌ك ئێك ژ كه‌ڤنترين مامۆستايێن شێخان و به‌رێزان “خالد شلى” و “پير خه‌ليل سلێمان” پێشمه‌رگه‌يێن دێرينێن شۆره‌شا گولانێ ل ده‌ڤه‌رێ و قه‌شه “مه‌تران ميخائيل” وه‌ك كه‌سايه‌تيه‌كێ ئايينێ يێ به‌رنياس و قوتابى “بتول قوته‌يبه” ژبال قايممقامێ شێخان ڤه هاتنه خه‌لاتكرن.
95 ساليا رۆژا قه‌زابوونا شێخان ژلايێ بنگه‌هێ لالش تايێ شێخان ب هه‌ڤكارى لگه‌ل سه‌نته‌رێ ره‌وشه‌نبيرى ل شێخان هاتبوو ساخكرن.
تُتاح هذه الصورة أيضا في: کوردی
