ژن و یەكسانی و ئازادی
جوان عزەت
ژن ئەو رێبەرەیە، یا كو بكارت بەرهەنگاریێ د هەر ئاستەنگەكا ژیانێ دا بكت، چنكو ئەو دونیایا مرۆڤ تێدا دژیت ژی پێویستی ب ئازادیێ هەیە،لەورا مرۆڤی مافێ وێ ئازادیێ دڤێت،نموونە ئەگەر مرۆڤ دناڤ زیندانەكێ دا بژیت و ژ دەرڤە بژیت،مرۆڤ ب هەردوو شێوازان فێری جۆرەكێ دی یێ راستی و هەبوونێ دبت، واتە، مرۆڤی بڤێت یان نەڤێت ئەو ژیان دێ داخازا ئازادی، یەكسانی، دیموكراسیێ ژ مرۆڤی كت،چنكو ئەو سیفەتەكێن ژ سیفەتێن ژیانا كۆمەلایەتی و مرۆڤی،بنێرە، یۆمۆ كینا دبێژت:(هەر جیەكێ پێگەهێ سیاسی، كۆمەلایەتی و ئابووری یێ ژنێ لاوازبت و هەر كۆمەلگەهەكا هزرا بابسالاریێ هەبت و یەكسانی تێدا نەبت، ئەو چینە رادبت ب ئەنجام دانا كارێ بێ واتەكرنا ژنێ)،بەری هەر تشتەكی گرنگە مرۆڤ نەهێلت ژیان بێ فەراغەك ڤالا دەربازبت، بەلكو چاوان مرۆڤ یاسایێن ئەخلاقی و سیاسی پرەنسیپی بناست و پێگیریێ پێ بكت، ئەها هۆسان گرنگە مرۆڤ رێزێ ل بیروبۆچۆن ئازادیا ژنێ ژی بگرت و پێگریێ ب یاسایێن ئافراندنا وێ ژی بكت، چنكو ژن د هەستیارترین دەمێن ژیانەكا مێژوویی دا دژیت، بێ كو هەست ب چارەسەریا بەرپرسیارەتی و سەركێشیا خۆ بكت،دەمێ مرۆڤ هزر دشرۆڤەكرنا ژنێ دا دكت، ل سەردەمەكی كو ئاستێ پێشكەفتنێ بەرەف ئاستێ ڤەكۆلینەكا بلند دا دچت، بەلێ ل وی دەمی مێژوویا هەزار سالێن كەڤن دئێتە بەرچاڤ و ناڤ ناخێ مرۆڤی دا،ئەها ئیرۆ ژن دناڤ وێ مێژوویێ دا وەكو بوونەوەرەكا هەمەلایەن، بێ ركابەر و ئامرازەكێ بەرهەمئینانێ دئێتە ل قەلەم دان و دژیت،دبت گەلەك جاران ئەو دەرفەتە بۆ ژنێ هاتیە دان كو بچت هەولا بزوتنەوەیا خۆ نیاسین و ئازادیا خۆ بدەت، بەلێ پێویستیا وێ ب رێكخستنا مەرج و موولەتا مرۆڤبوونێ یە هەتا ببتە خودان ئەتیك و پرەنسیپێن خۆ یێن تایبەت،ئافراندن تشتەكە مرۆڤ بریارێ لسەر ددەت و هەولدەت خۆ ب شێوەیەكی گونجایی قەبوول بكت، بوویە ب هزرا من، دڤی بواری دا هەر كۆمەلگەهەكێ پێویستی ب پێناسەیەكێ هەیە، كو ئەو پێناسە ببتە بەرسڤەك بۆ ئیشا نەساخلەمیا مرۆڤان، چنكو گیانەوەری ژی لسەر روویێ زەمینە پێتڤی ب ئازادی و یەكسانیا خۆ هەیە،لەورا یا فەر و گرنگە مژارێن ژنێ بەردەوام ببن بابەتێن زانستی، داكو ژن بكارت دیرۆكا خۆ دابین بكت و خۆ باشتر بناست،هەردەما ژنێ هزر د مێژوویا خۆ دا كر، هنگی ئەو دبتە بەشەك ژ راستڤەكرنا وێ دیرۆكێ، چنكو ژن دیتە بارهەلگرا زانستێ سیۆسیۆلوژی، سیاسی و فەلسەفی،ل وی دەمی بۆ وێ ئیسپات دبت كو ئەو ئێكەم بوونەوەر بوویە قوربانی و باجا كۆمەلگەهەكا كۆمەلایەتی دایی و نكاریە فەرمانرەوایا خەلكەكێ بكت، كو كەسایەتیا بابسالاری دناڤ وی خەلكی دا بێتە مراندن، لەورا هەتا نهۆ بوویە سەركێشا وندابوون و بەندبوونەكا سادە و كلاسیك دناڤ بناغەیێ جڤاكەكێ نە ژینگەه دۆست دا،ئەنجام:ئەگەر كۆمەلگەها كوردی بخوازت ل دوڤ كێشەیێن چارەسەركری دا بچت، گەرەكە كۆمەلگەهەكێ پێك بینت، كو بزانت واتەیا ژن ب ئافرینت و هەلویستێن زانستی، ئەتیكی، پرەنسیپی و یاسایی ب شێوەیەكی بنەمایی وەربگرت، داكو لسەر وێ رێ بەردەوامیێ بدەت ریبَەرایەتیا خۆ یا ژیان، دروست پراكتیزەكرنا ئازادی و یەكسانیێ ، چنكو ئەگەر ئارمانجا سەرەكی یا خەلكی بۆ رابونەڤەیا ژنێ ئەڤە نەبت، ئێدی كۆمەلگەه بخۆ دێ هاریكاریا كەفتنا خۆ كت و ژن ژی دێ هەر مینت یا كەفتی و پەنابەر د وەلاتەكێ ئافرێنەر دا.
تُتاح هذه الصورة أيضا في: کوردی
