گیانێ تۆلڤەكرنێ
خالد ئەحمەد بادی 
سەركردە وزانا ودامەزرێنەرێ هندێ (ماهاتما غاندی) گۆتیە (ئەز حەز ژ تۆلڤەكرنێ ناكەم نكارم ژیانا خۆ هەموویێ لدوڤ سەیەكی بچم و بكەمە غار وتۆلا خۆ لێڤەكەم ولەقەكێ لێبدەم،چنكو وی سەیی ژی لەقەك ل پێ من دابوو) تۆلڤەكرن كریارەكا شاش وكەشەفرێتە ول دەمێ پەیدابوونا ژیانا مرۆڤان ئەڤ زاراڤە هاتیە پەیرەوكرن و لناڤ مرۆڤان وجڤاكان بەربەلاڤ بوویە و هێدی هێدی گەهشتە بتریا ناڤەندێن بلندێن جیهانی وتا نهۆ ژی ئەڤ دیاردا نە دروست مایە،ئاریشا هەرە مەزن ئەڤ دیاردە مایە وكار پێ دكن ل ناڤبەرا وەلات ومللەتێن زلهێز وب هەموو شێوازان تۆلڤەكرنێ دكن ب نهێنی وب ئاشكەرا وب رێیێن سیاسی ولەشكەری و ئابووری و كۆمەلایەتی و هەموو رێ وشێوازان تۆلڤەكرن دئێتە كرن تا گەهشتی وی رادەی كو كۆمەلگەه وجڤاك و وەلات ومللەت بووینە قوربان،د هەموو ئایینێن جیهانێ و پەرتۆكێن ئاسمانی و دئایینێ پیرۆزێ ئیسلامێ دا تۆلڤەكرن پروتەستو كریە ونەرازیبوون لسەر كریە وخەلك مللەت و مرۆڤایەتی هانداینە ژبۆ دووركرن و مراندنا گیانێ تۆلڤەكرنی وهانداینە كو خۆ ژ ڤی زاراڤی دوور بكن،كارتێكرنا دوژمنان لسەر كوردان هەبوو و هەردەم پیلان ددانان كو كوردان بكەنە دوژمنێن هەڤدوو وكەسەك زال دكر لسەر یێن دی ودكرنە ئاغا ودەرەبەگ وهەروەسا گیانێ تۆلڤەكرنێ لناڤبەرا بنەمال وگوند و باژێر ودەڤەرێن كوردان دا دچاند ودكرنە دوژمنێن هەڤدوو ژبۆ بەرژەوەندێن خۆ یێن تایبەت لێ هەر ئەڤ كار وزاراڤە مایە وكەفتیە دناڤا هەموو جه ودەزگەه ومال ودەڤەرا دا و لناڤ مللەت و وەلاتێ مە ژی هەر مایە،یا ژ هەموویان ترسناك تر نهۆ ئەڤ دیاردا ترسناك كەفتیە دناڤ كەسان دا وئەگەر كەسەكی بەرپرسیاریەك یان پۆستەك وەرگرت ئێكسەر دێ تۆلڤەكرنێ كت و ئەگەر نكارت ب چ رێیا دێ ب رێیا ڤەگوهاستنێ یان ژێشتاندنا بەرپرسیاریەتیان یان ژی سنگ وسنگ ودێ ب هەموو شێوازان تۆلڤەكرنێ لگەل كت و دێ هەموو پۆست زپلە وشیانێت خۆ ل یێ بەرامبەر مەزێخت داكو ئەو كەسێ كو د دەمێ بۆری دا بەرپرسێ وی بوو یان ژ وی زەنگین تر بوو یان ژی ژ وی جوامێرتر بوو یان ژی باشتر بوو دێ شیانێت خۆ هەموویان لێمەزێخت داكو بتنێ تۆلا خۆ لێ ڤەكت داكو بۆ دیار بكت كو ئەز یێ ل جیێ هێزێ و توو یێ زەعیف و بێ شیانی،ئەڤ گیانێ خرابیێ لناڤ خوونا بتریا مرۆڤان بەربەلاڤ بوویە و بلا ئەم هەموو وەكی پەیڤا پر بەها یا غاندی وێ چەندێ ب سەلمینین وپەیرەو بكەین كو خۆ ژ تۆلڤەكرنێ دووربێخین ومینا وی ئەگەر كەسەكێ بێ كەسایەتی ویێ چ نە رەفتارەكا شاش لگەل تە كر توو رەفتارەكا باش لگەل دا بكە،چنكو تۆلڤەكرن زۆر یا خرابە ودێ زیانان گەهینتە هەموو لایان،ل داویی فەرە هەر جی ودەزگەه وفەرمانگەها توو لێبی ب دلسۆزی كار بكەین وئەو باوەریا ب تە هاتیە دان ب راست ودادپەروەرانە جێ بەجێ بكەی وخۆ ژ تۆلڤەكرنێ دووربكەی و بتنێ گیانێ لێبوردنێ پەیرەو بكەین وگیانێ تۆلڤەكرنێ بكەینە دگلێشخانا دیرۆكێ دا.
تُتاح هذه الصورة أيضا في: کوردی
