پارتی و گۆڕان: گه‌له‌ك خالێن هه‌ڤپشك د به‌رنامه‌یێ مه دانه
WAAR-دهۆك:
پارتی دیمۆکراتی کوردستان و ته‌ڤگه‌را گۆڕان ئه‌ڤرۆ ل سلێمانیێ كۆم بوون و د راگه‌هاندنه‌كێ دا دیاركر، هه‌ردو ئالییان گه‌له‌ك خالێن هه‌ڤپشك د به‌رنامه‌یێ حكومه‌تێ دا هه‌نه.
د راگه‌هاندنا داویێ یا كۆمبوونا پارتی و گۆڕانێ دا هاتییه، ئه‌ڤرۆ سپێدێ شاندێن دانوستاندكار یێن پارتی و گۆڕانێ كۆم بوون و دانوستاندنێن پێكئینانا حكومه‌تا نوو یا هه‌رێمێ كرن و كۆمبوون د سه‌قایه‌كێ به‌رپرسیارانه و ب هیڤییا كاركرنا هه‌ڤپشك برێڤه‌چوو و هه‌ردو ئالییان دوپاتی ل به‌رده‌وامییا دانوستاندنان و ده‌ستنیشانكرنا خالێن هه‌ڤپشك د به‌رنامه‌یێ حكومه‌تا نوو دا كر، دا كو چاكسازییێن بنه‌ره‌تی د هه‌موو بواران دا بهێنه كرن.
دا یه زانین ژی: پارتی و گۆڕان رێككه‌فتن به‌رنامه‌یه‌كێ هه‌ڤپشك ل دۆر په‌یوه‌ندییێن هه‌رێمێ و به‌غدا و جڤاكا ناڤده‌وله‌تی دارێژن، ب ره‌نگه‌كی كو سازییێن حكومه‌تێ بهێزتر بكه‌ڤن و باوه‌رییا ئالییێن پشكدارێن حكومه‌تێ، بنه‌مایێ سه‌ره‌كی یێ كارێ هه‌ڤپشك بیت.
ئه‌ڤه دویه‌م كۆمبوونا پارتی و گۆڕانێ یه ل دۆر پێكئینانا حكومه‌تا هه‌رێمێ، پشتی كو ل حه‌فتییا بووری، پارتی و گۆڕان ل مالا نێچیرڤان بارزانی ل هه‌ولێرێ كۆمبووین و گۆڕانێ پشكدارییا خوه د حكومه‌تا نوو دا راگه‌هاندی.
تُتاح هذه الصورة أيضا في: کوردی
