مزگينيه‌كا چاڤه‌رێنه‌كرى بۆ ژنێن زارۆ نه‌بن
نووش نيوز:
ھێکێن مروڤی بۆ ئێکەمین جار ب تمامی د تاقیگەھێ دا گەشەکرن، ب شێوەکێ کو د شێت بەرەڤ پێشڤە چووونا چارەسەریا نەزوکیێ بچیت.
زانایان ژ زانکویەکا بریتانی و ب ھەڤکاری د گەل زانایێن ئەمریکی، خانێن ھێکان ھەر ژ دەست پێکا قوناغا گەشەکرنێ ژ ھێلکەدانێ دەرێخستن و شینکرن. ئەڤ پێش کەفتنە د شێت پاراستنا وان کچان بکەت یێن تووشی پەنجەشێرێ دبن، بەری وەرگرتنا چارەسەریێن کارتێکەر یێن کیمیای. ئەڤ ھێکێن پێنەگەھشتی د ھێلکەدانا نەخوشی دا ھاتینە رزگارکرن، دشێن مەزن ببن و گەشێ بکەن د تاقیگەھێ دا و بھێنە خەزن کرن بۆ ب پیت بوونێ بۆ دەمەکێ دی.
ھەروەسا د ڤێ ڤەکولینێ دا ھاتە بەر چاڤکرن چاوا ھێکێن مروڤی د قوناغێن جیاواز دا دەرباز دبیت، کو ئەڤە دبیت یا ھاریکار بیت بۆ ڤەکولینێن دی یێن چارەسەریێن نەزوکی.
نتيجة بحث الصور عن human egg grown in lab
د ڤەکولینێن بوری و دەسپێکی دا، زانایان ھێکێن مشکان بۆ بەرھەم ئینانا (زوریەتەکا زیندی) بکارئینان, دیسان پێگەھاندنا ھێکێن مروڤی ژی ژ قوناغەکا نێزیکی دوماھیێ ژ پێگەھشتنێ. لێ د نویترین و دوماھیک ڤەکولین دا، بۆ ئێکەم جار ھێکا مروڤی ھەر ژ قوناغا دەسپێکی تاکو قوناغا دوماھیێ و تمام پێگەھشتنێ د تاقیگەھێ ڤە ھاتە گەشەکرن.
پروفیسور ئیفلین تیلەر کو ب ڤەکولینێ رابوویە دیارکر، شیانێن پێگەھاندنا ھێکێن مروڤی ب شێوەکێ تمام د تاقیگەھێ ڤە، دشێت دیتنا چارەسەریێن نەزۆکی یێ بەرفرەە تر لێ بکەت.
تُتاح هذه الصورة أيضا في: کوردی
