ل دەڤەرا شنگال گۆرەکێ دی یێ بکۆم ھاتە دیتن
باسنيوز:
ئەندامێ لێژنا ڤەکۆلین وکۆمکرنا بەلگەنامەیان ل دھۆکێ دیارکرکو گۆرەکێ دی یێ ب کۆم ناڤبەرا تەلەعفەر و عەیازێدا ھاتە دیتن لێ ھێشتا نەھاتیە تۆمارکرن.
فەلاح حەسەن، ئەندامێ لێژنا ڤەکۆلین وکۆمکرنا بەلگەنامەیان ل سەر جینۆسایدا ئێزدیان ل دھۆکێ بۆ(باسنیوز) دیارکر: “پێزانینێن گەھشتنە مە گۆرەکێ دی یێ بکۆم ھاتیە دیتن ل دەڤەرا تەلەعفەر. ھێشتا مە ئەڤ گۆرێ نوو یێ ب کۆم تۆمارنەکریە وناسنامەیێن وان کەسان ژی ئاشکرانەبووینە یێن دناڤ ڤێ گۆری بکۆمدا ھاتینە شەھیدکرن”.
خویا ژی کر: “دناڤ بیرەکا دەڤەرێ دا بناڤێ بیرا عەلۆ عەنتر ل سەر رێکا تەلەعفەر و عەیازیە ئەڤ گۆرێ ب کۆم ھاتە دیتن دووڤ پێزانینان ژی ئەڤ بیر ھەتا 20 مەتران یا کوورە. ھژمارەکا تەرمێن کەسێن ل سەر دەستێ تیرۆرستێن داعش دناڤ ڤێ بیرا مەزندانە”.
ھەتا نۆکە پتر ژ 60 گۆرێن ب کۆم ل شنگال ودەڤەرێن ب سەرڤە یێن ھاتینە دیتن. ژوانا ژی ھێشتا 20 گۆرێن ب کۆم نەھاتینە تۆمارکرن وکار ل سەر نەھاتیە کرن وپێشبینی دھێتە کرن روفاتێن پتر ژ ھزار کەسان دناڤ ڤان گۆرێن بکۆمدا ھەبن.
تُتاح هذه الصورة أيضا في: کوردی
