زانکۆیا دھۆکێ سەنتەرێ بێشێکچی یێ لێکۆلیێن مرۆڤاتی ڤەکر
WAAR-دهۆک:
زانکۆیا دھۆکێ، سەنتەرەکێ لێکۆلینێن مرۆڤاتی ب ناڤێ بێشێکچی ڤەکر و ئەڤرۆ ژی ئێکەم کۆنفرانس نێڤدەولەتی لێ ساز کر.
ئەڤرۆ کۆنفرانسەکێ نێڤدەولەتی ب ناڤێ (کوردستانا پشتی داعشێ پرسیارا ناسنامە و سنۆران) دەست ب کارێن خوە کر کو ب ئێکەم کارێ سەنتەرێ بێشێکچی یێ لێکۆلینێن مرۆڤاتی ل زانکۆیا دھۆکێ دھێتە ھەژمارتن.
د رێورەسمێن ڤەکرنا سەنتەری و کۆنفرانسی دا، ئیسماعیل بێشێکچی نڤیسەرێ ناڤدارێ تورک و دۆستێ گەلێ کورد ژی ئامادەبوو.
سەرۆکێ زانکۆیا دھۆکێ د گۆتارا ڤەکرنا کۆنفرانسی دا، بەحس ل رۆلێ بێشکچی د ناساندنا دۆزا کوردی دا کر، پارێزگارێ دھۆکێ ژی خواست زانکۆیین دھۆکێ لێکۆلینێن خوە لسەر کوردستانێ و مللەتێن دی ژی بەرفرەھـ بکەن.
بێشێکچی ژی د گۆتارەکێ دا بەحس ل پارچەبوونا کوردستانێ و کاریگەرییا وەلاتێن دەڤەرێ د ڤێ پرسێ دا کر.
کۆنفرانسێ کوردستانا پشتی داعشێ، دێ بۆ دەما دو رۆژا بەردەوام بیت و چەندین پەنەل دێ تێدا ھێنە برێڤەبرن.
تُتاح هذه الصورة أيضا في: کوردی
