بریتانیا.. ئاكنجیێن گونده‌كی جه‌ژنا بوونێ بۆ ته‌سه‌كێ دگێڕن
WAAR-دهۆک:
ل یه‌ك ژ گوندێن بریتانیا، جه‌ژنا بوونێ بۆ ته‌سه‌كێ هاته كرن و ئاكنجییێن وی گوندی كێكه‌ك ل به‌ر دانان و دو شه‌مالك ل سه‌ر هه‌لكرن.
وه‌كو بزاڤه‌كێ بۆ راكێشانا سه‌رنجا حكومه‌تا ناڤخۆ، وه‌لاتییه‌كێ بریتانی ب ناڤێ ڤیۆن دێنكێن كو ته‌مه‌ن پێنجی و شه‌ش ساله، جه‌ژنا دو سالییا چێبوونا ته‌سه‌كێ ل سه‌ر جادده‌یا گوندێ خوه، ب دانانا كێك و شه‌مالكان پیرۆز كر.
ناڤهاتی وێنێن وێ چالاكیێ ل تۆرێن كۆمه‌لاتی داناینه و دیار كرییه، به‌ری ساله‌كێ وی سكالا ل جڤاتا گوندی تۆمار كربوو و ل سه‌ر وێ سكالایێ حكومه‌تا بریتانیا پتری ملیۆن پاوندان بۆ چاككرنا ته‌ڤ ته‌سه‌یان ل سه‌رانسه‌ری وه‌لاتی ته‌رخان كربوون.
ناڤهاتی دیار ژی كرییه، هه‌بوونا ته‌سێ ل سه‌ر جادێ گه‌له‌ك ب ترسه، ژبه‌ركو شۆفێر و پایسكل سوار ده‌ما دگه‌هنێ نه‌چا دبن رێیا خوه ب گوهۆڕن و نه‌دووره روودان ل دووڤ بهێن.
تُتاح هذه الصورة أيضا في: کوردی
