حوزه‌یران 24, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

پیر خەلات ئلیاس:سوند خۆر د ئێزدیاتیێ‌ دا

سوند خۆر د ئێزدیاتیێ‌ دا
پیر خەلات ئلیاس
هەر ئێزدیێ‌ ب بەراتێ‌ سوند خوار ئەو مەزنترین سوندە و شەهدا سوندا بەراتێ‌ خودێ‌ یە، هەكە پرسا پیرۆزی و قەدرێ‌ بەراتێ‌ بكەی دێ‌ زانی بەرات چقاس یا مەزن و پیرۆزە، د باوەریا مە ئێزدیاندا بەرات هێڤێنێ‌ جەبراندنا عەرد و عەسمانییە.
هەكە بەرێ‌ خۆ بدەیێ‌ و بێژی خاس و باب چاك د مەزنن بەلێ‌ بەرات بەری وانە و هەكە تە گۆت وەلی و سالەح د مەزنن بەلێ‌ بەرات مەزنترە و هێڤێنە، لەوما ئێزدی ب بەراتێ‌ سوند دخۆن و ل سوندا خۆ لێ‌ ڤە نابن، كەسێ‌ ب بەراتێ‌ سوند ب خۆت و ل سوندا خۆ لێڤەبوو ئەو كەس ل هەقیا خودێ‌ لێڤەبوو و ئەو كەس دێ‌ پۆشمان بت و هەر وەكو ل چەند تەمام ل ئەركان و پیرۆزیان لێڤە دبت.
خودێ‌ بەرات كریە هێڤێن و هاڤێتە دناڤا بەحرێ‌ و ئەڤ دنیا هەموو دگەل عەرد و عەزمان ژێ‌ پەیدابوو و خەملی و كەملی و كەسێ‌ ب بەراتێ‌ سوند بخۆت رامانا وێ‌ چەندێ‌ یە،كو ئەوی ب عەرد و عەسمانی و ب هەموو خاس و بابچاك و پیرۆزی و ئەركانان سوند خوار.
ژ ئەدەبێ‌ دینێ‌ مە ئێزدیان ژ قەولێ‌ ئافراندنا كنیاتێ‌ د دەتە دیاركرن و دبێژت:
پەدشێ‌ من هێڤێن هاڤێتە بەحرێ‌ و مەینی
دخانەك ژێ‌ دخنی
هەر هەفت عەسمان پێ‌ نژنی
پەدشێ‌ من ل عەسمانا كربوو سەفەرە
ئەو بوو جارە سەخەر كەری كەربكەرە
كرە ركنێ‌ چەندی مەنبەرە
ل گۆڕ سەبەقا قەولی د دەتە دیاركرن: هەر كەسێ‌ ب بەراتێ‌ سوند خوار ئانكو ب هەر چار روكنێت كنیاتێ‌ سوند خوار و كەسێ‌ ل وێ‌ سوندێ‌ لێڤەبوو ئەو كەس كەسەكی بێ‌ ئەركانە و بێ‌ باوەر و بێ‌ بەخت و بێ‌ وژدانە و دێ‌ ڤەگەرتە وێ‌ چەندێ‌ دێ‌ ئێتە ناسین ب كەسەكێ‌ بێ‌ مروەت و بێ‌ خودێ‌ و دێ‌ گونەهـ باربت و ڕۆژ بۆ ڕۆژێ‌ دێ‌ ب خۆ زانت شاشی وا كری و ل سەر سێ‌ بابە خەلەتیا وی دێ‌ ئێتە گۆتن و شەرمەزاركرن،لەوما بارێ‌ سوندێ‌ گەلەكێ‌ گرانە و كەسێ‌ سوند خوار دڤێت ب راستی بت و پشتی سوندێ‌ خۆ شاش نەكەت و كەسەك ب نەزانی دەرباز نابت و ژ ئەدەبێ‌ دینی دبێژت:
ئاقل هەدایەتە
كەسێ‌ ب تەربییەتە
ئەو روحا ل بەر پەدشێ‌ خۆ ب عزەتە
ل داویێ‌ هیڤییە ئەم هەموو بزانین بارێ‌ سوندێ‌ و پیرۆزیا بەراتێ‌ ژ هەقیا خودێیە و یێ‌ تەمام خودێ‌ یە.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi