پشتى زێده‌بوونا ڕوودانێن هاتنوچوونێ، پره‌كا پياده بۆ هاتنوچوونا وه‌ڵاتيان ل سه‌ر ڕێيا جووتسايدێ گوندێ بێبانێ ل سنوورێ ناحيا ئه‌لقووش دێ ئێته دانان.
شه‌مبوويێ، 8ـى چريا دووێ 2025، شێخ ڤيان ميرزا، كه‌سايه‌تيێ ديارێ گوندێ بێبانێ، بۆ سه‌ما ڕاگه‌هاند: نێزيكى ساله‌كێ ل سه‌ر دروستكرنا جووتسايدێ به‌دريكێ بۆ باعه‌درێ كو دنيڤا گوندێ بێبانێ ڕا ده‌رباز دبت، ژبه‌ر نه‌بوونا پرێن پياده هه‌تا نوكه 15ڕوودانێن هاتنوچوونێ چێبووينه و خه‌ڵكێ گوندى بووينه قوربانى.
ئاشكراكر: “پشتى چه‌ندين جاران مه داخوازيێن خۆ ئاراسته‌ى لايه‌نێن په‌يوه‌نديدار كرى، ژلايێ ڕێڤه‌به‌ريا ناحيا ئه‌لقوش ڤه هاتينه ئاگه‌هداركرن كو دێ ده‌ست ب دانانا پره‌كا پياده يا ئاسنى ل سه‌ر جووتسايدێ گوندى ئێته كرن.”
شێخ ڤيان ميرزا ديار ژى كر، داخواز دكه‌ين كاميره‌يێن له‌زاتيێ ژى ل سه‌ر ڤى جووتسايدى بێنه دانان، ژبه‌ركو هاتنوچوونه‌كا زۆر ل سه‌ر هه‌يه، داكو ڕوودانێن دڵته‌زين ڕوونه‌ده‌ن.
گوندێ بێبانێ دكه‌فته سنوورێ ناحيا ئه‌لقوش و خه‌ڵكێ وێ هه‌موو ئێزدينشينن و ب ده‌ڤه‌ره‌كا گرنگ يا چاندنێ دئێته دانان.
تُتاح هذه الصورة أيضا في: کوردی
