ته‌مموز 25, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

رێڤەبەرێ‌ كۆچ و كۆچبەران ل دهۆكێ‌:ئەم ئاوارەیان ب زۆری ڤەناگەڕینین

رێڤەبەرێ‌ كۆچ و كۆچبەران ل دهۆكێ‌:ئەم ئاوارەیان ب زۆری ڤەناگەڕینین
ئه‌ڤرۆ نيوز:

وەزارەتا كۆچ و كۆچبەرێن عیراقێ‌ دووماهی ژڤان بۆ ڤەگەریانا ئاواران هەتا رۆژا 10/9/2023ێ‌ دانایە و دبێژیت، دوسەیا ئاواران دێ‌ هێتە دائێخستن،. د بەرامبەر ژی دا رێڤەبەرێ‌ كۆچ و كوچبەران ل دهۆكێ‌ راگەهاند، ئەم ئاوارەیان ب زۆری ناڤەگەرینین و هەتا نوكە 327 هزار كەسێن ئاوارە ل دهۆكێ‌ ماینە نەشیاینە ڤەگەرنە سەر جه و مالێن خۆ، حكوكمەتا هەرێما كوردستانێ‌ دی یا بەردەوامبیت ل سەر گەهاندنا هاریكاریا بۆ ئاواران».

پیر دەیان جەعفەر، رێڤەبەرێ‌ كۆچ و كوچبەران و بەرسڤدانا قەیرانا ل دهۆكێ‌ راگەهاند:» گەلەك جاران حوكمەتا عیراقێ‌ هەولدەن ئاواران ڤەگەرینیت، لێ‌ هێشتا رەوشا شنگال باش نینە و ئاوارە ناڤەگەرن و چو ئاوارەیان ب زۆری ناڤەگەرینین، بەلكو حوكمەتا هەرێما كوردستانێ‌ دێ‌ یا بەردەوام بیت ل سەر پێشكێشكرنا هاریكاریان بۆ ئاواران پێدڤیە حوكمەتا عیراقێ‌ ل دەستپێكی رەوشا شنگال چارەسەربكەت و باشترین چارەسەری بجهئینانا رێكەفتنا شنگالێ‌ یە و خەلكێ‌ زەرەرمەند قەرەبوو بكەت پاشی بریارا دائێخستنا كەمپێن ئاواران بدەت».
پیر دەیان ئاشكەرا كر:» كەیسا ئاواران كەیسەكا مرۆڤایەتی یە، نابیت بەغدا تێكەلی سیاسەتێ‌ بكەت، پێدڤیە ب چاڤێ‌ مرۆڤایەتی تەماشەی ئاواران بهێتە كرن و چ جاران د بەرنامێ‌ مە دا نینە كەسەكی ب زۆری ڤەگەرینین، ئەم دێ‌ خزمەتا وان كەین و هەتا دناڤ كەمپاندا مابن دێ‌ هەموو جۆرێن هاریكاریان ژی بەردەوام گەهنە ئاواران».
تەكەز كر:» هەتا نوكە 327 هزار كەسێن ئاوارە ل سنۆرێ‌ پارێزگەها دهۆكێ‌ هەنە، هەموو ئاوارە د ئازادن بۆ زڤرینا شنگال، ئەم پشتەڤانیێ‌ ل وان دكەین دەمێ‌ ڤەدگەرن، لێ‌ ئاواران باوەری ب رەوشا شنگال نینە و ناخوازن بچنە دبن رەوشەكا خرابدا بژین ل شنگال».
رێڤەبەرێ‌ كۆچ وكوچبەران وبەرسڤدانا قەیرانا ل دهۆكێ‌ دیار كر:» گەلەك ئاواران ناڤێ‌ خۆ بۆ زڤرینا شنگال تۆماركرینە، لێ‌ نەچووینە شنگال و ماینە دبن خیڤەتان دا، وەسا دیارە ئاوارەیان باوەری نینە بچنە شنگال، ژبەر خرابیا رەوشی.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi