تۆرا لالش
قۆل كێشان یان كێشانە قۆلان ب كەڤنترین رێ و رەسم ل جەم ئێزدیان دهێتە ناسكرن، رەهـ و ریشالێن ڤێ رێ و رەسمێ دزڤرنە بەری هاتنا شیخادی بۆ ناڤ ئێزدیان ل سەردەمێ هاتنە شیخادی دوعا ل ڤێ خلمەتێ كریە، ئەڤ رێ و رەسما دزڤرتە سەر دەمێ پەیدابوونا مروڤان بۆ سەر روویێ دنیایێ،چونكی بەری پەیدابوونا ئامیران بۆ خوە گەرم كرنێ ل وەرزێ زڤستانێ و دروستكرنا خوارنێ وی دەمی مرۆڤان پەنا دبرنه بەر دار و قۆلان بۆ خوە گەرم كرنێ و دروستكرنا خوارنێ.
كەڤناتیا ڤێ رێ ورەسمێ د قەولێ (زەبونێ مەكسور)دا خویا دبیت:
شەهید پێخەمبەر ب وێ كەسێ دبوو مەستە
ئەوی نە پێ هەبوو نە دەستە
لەو سڵتان ئێزی رۆناهی یەك ل بەر خستە
قەولێ (زەبوونێ مەكسور)كو ئەڤ قەولە بنیاتێن قەولێن ئێزدیانە، زەبوون رامانە وی هەڤال دین. ژ بەر كەڤناتیا ڤێ رێ و رەسمێ هاتە نهۆ ژی ل پەرستگەها لالش د ئاڤاهێن خاس و چاكان دا نابت ئامیرێ خوە گەرم كرنێ مینا سۆپا گازێ بهێتە هلكرن.
هەژی گۆتنێ یە ئەڤ رێ و رەسمه ل (18) مەها ئادارێ یا رۆژهەلاتی دەستپێدكەت بۆ ماوێ سێ رۆژان بەردوام دبت ل پەرستگەها لالش و هەر دوو رۆژێن دەستپێكێ قۆلان بۆ شیلانا شیخادی و رۆژا دوماهیێ بۆ بەر شێشمس دبەن.
ئەڤ رێ و رەسمه ب ئامادەبوونا (بابێ شێخ) لێڤەگەر و بابێ روحیێ ئۆلا ئێزدیان و بابێ چاویش شكەستیێ ریێا خودێ یە و خلماتكارێن ئۆلا ئێزدیان ژ دەڤەرێن جودا جودا یێن ئێزدی نشین سه‌ره‌دانا په‌رستگه‌ها لالش دكەن بۆ ئەنجامدانا ڤێ رێ و رەسمێ.
هەر كەسەكی بجتە ڤێ خلمەتێ دڤێت ب زار و دەڤێ خوە ب رۆژی بت و نابت ب خرابی بەسێ كەسی بكەت، چونكی ئۆلا ئێزدیان ل سەر دوو بنەمایان هاتیە ئاڤەكرن: مرۆڤایه‌تی و سرۆشت.
ل وەرزێ بەهارێ سەفه‌را نان و ماستا، سەفارا قۆلان و گڤاشتنا زەیتونان، ئەڤ هەر سێ رێ و رەسم ل پەرستگەها لالش دهێنە ئەنجام دان و دبێژنه ڤان هەرسێ رێ و رەسمان جەژنا مەلك زەین.
تُتاح هذه الصورة أيضا في: کوردی
