تۆرا لالش
بەریا(٣٢) سالان چرایێ مەزنترین بنگەهێ رەوشەنبیری و جڤاكی ل كوردستانێ هاتە هەلكرن ل سەر دەستێ ژمارەیه‌كا كەسایەتیێن رەوشەنبیر و خەمخۆرێن ئێزدیاتیێ، ب هاریكاری و پشتەڤانیا حكوومەتا هەرێما كوردستانێ ل ژێر دروشمێ (لالش کانیەکا زەلالە دهورتە د ڕۆبارێ ڕەوشەنبیریا کوردی دا)،ئەڤەژی بەرسڤەكا ب هێزا رەوشەنبیر و زانایێن ئێزدیان بوو بۆ دوژمن و داگیركەرێن كوردستانێ و گاڤەكا وێرەكانە و رێكخستی بوو ژبۆ ب دەستڤەئینانا ماف و ئارمانج و داخوازیێن ئێزدیان ئەڤ بنگەهە هاتە دامەزراندن.
جیێ دلخۆشیا پشتی ئه‌ڤ ده‌لیڤه بۆ مللەتێ ئێزدی هاتیە رەخساندن بنگەهێ لالش كەفتە د قادا خەبات و خزمەتا رەوشەنبیری دا و ب سەدان كور و كچێن ئێزدی تێهنیێن ڤێ ئازادیێ بوون ب شەڤ و رۆژ رۆلێ خۆ لەیزین هەتا ئەڤ بنگەهه گەهشتیە ڤێ رێزا بلند و چرایێ وێ گەش و خەملی ل كوردستانێ،ب راستی ل ڤان چەند سالێن دەرباسی بووی دا و سال بو سالێ لالش گەشتر و بشەوقتر د به، لالش ئێکەم ناڤەنده شیایی درێژیێ ب خزمەتەکا گەلەک مەزن بۆ چاند و کلتۆر و رەوشەنبیریا ئێزدیان بکەت و پێناسەیه‌کا گەلەکا جوان و هەژی ئێزدیاتیێ یا بابەتیانە و زانستی ب دەته دیانەتا ئێزدیاتیێ ب داب و نەریتێن تێدا ب کلتۆرێ وێڤە ب دیرۆکا ئێزدیاتیێ ئاشناکەن بو خەلکێ کوردستانێ ب هەموو ئاین و نەتەوەیێن جودا جودا ڤە ئەو ئێزدیاتی یا راست و رەسەن ب دەته دیارکرن و ناسکرن، نەک نەیار و دوژمن وەکی بەری نها دایە دیارکرن ب شاشی.
لالش ئەڤ کارێ مەزن و پیرۆز ل ڤان ٣٢ سالێن ئازادیێ دا ئەنجامدان ب پشتەڤانیا حکومەتا هەرێما کوردستانێ و شەخسێ سەرۆک بارزانی رۆلەکی بەرز و کارا دیتن ب تایبەت د وارێ پێکڤەژیانێ دا و ب هەناسەیه‌کا درێژ یا عەقلانە یا سەرخۆ دوور ژ کارڤەدانا بەردەوام کار و خەبات کریە و بوویە ناڤەندەک کو هەر گاڤ پەیوەندیێن گەلەک خورت ل گەل ناڤەندێن ئەکادیمی یێن جیهانی و ئەقلیمی و کوردستانی هەبووینە و بوویە ژینگەهـ و زەمینەیه‌كا خۆش بو خەلکێ زانا و رەوشەنبیر و ڤەکۆلەران ل کۆمبون و کۆنفراسێن لالش ئامادەبن چ بو ناسینا ئێزدیاتیێ یان ژی بو وەرگرتنا بەلگێن راستەقینە ل سەر ئێزدیاتیێ ژ بەر کو بنگه‌هێ لالش تاکە ناڤەندە هەموو ئەو دیراسات و ڤەکۆلین و قەول و بەیتێن ئێزدیاتیێ لێ هەین و د پاراستی نه.
دیسا هەر ڤەکۆلەر و زانایەکی تشتەک ژ ئێزدیاتی هەی ل مەنبەرێن بنگه‌هێ لالش بەلاڤکریە، هەر وەسا پەیوەندیێن گەلەک باش دگەل سازیێن جودا جودا یێن دیانەتێن دیتر ئەڤێن ل کوردستانێ دروستکرینە، ئەڤه‌ژی ڤەدگەرت بو خزمەت و کەد خەباتا هەڤالێن سەرکێشیا ڤێ سازیێ دکەن ل هەمی ئۆرگانێن لالش کو بەردەوام یێن دناڤ کار و بزاڤ و چالاکیێن مەیدانی دا ئەڤێن جودا جودا دگەل دیانەتێن دیتر د هینە ئەنجامدان یان ژی دگەل پارت و لایەنێن جودا، ئەڤەژی ڤەدگەرت بۆ خەمخۆری و دلسۆزیا بەرپرس و ئەندامێن لالش وەک پالە ب شەڤ و رۆژ کار دکەن، لەوما ئەڤرۆ بوویە نامەکا مرۆڤایەتتێ و ئێک ژ فاکتەرێن پاراستنا کلتۆرێ رەوشەنبیریا ئێزیدیاتیێ و کوردستانێ، ب هیڤیا رۆژ ب رۆژ ئەستێرا ڤی بنگەهی ل ئاسمانێ رەوشەنبیریا کوردستانی و عیراقێ ب گشتی گەشتر و بشەوقتر ببە.
تُتاح هذه الصورة أيضا في: کوردی
