تۆرا لالش:
ستێرا سبێ :خەلاتێ سلتان ئێزی یە، بنگەهێ تاووسی مەلكە وەك د قەولی دا هاتی:
ئێزید د دەم مەدەهێ
لالشێ خودانێ قوبەهێ
ئەز خەلات كرم ستێرا سبەهێ
*******
ئەز هشیار بووم ژ خەوێ یە
كڤش دكم ستێیرا سبێ یە
لالشا نوورانی ل سەرە
بوویە خودانێ قوبێ یە
روح ژ ڤان چارە پێك دهێت ( هەست ، ژیری ، ئاقل ، نەفس ) هەست و ژیری و نەفس هاوبەشن دناڤبەرا مرۆڤ و گیانەوەران دا، بەلێ ئاقل تایبەتە ب مرۆڤان ڤە دەمێ روح چتە ئەسمانا ژ روحێ نەفس دهێتە ئێشاندن (عزاب) دان:
هەكە ئاقل ژ سەری جودا بوو
نەفس ل دلی بەلا بوو
مال ل روحێ خرا بوو
دگەلەك تێكستێن ئێزدیان دا پەیڤا هۆستا و یار دهێنە خویاكرن ئەرێ هوستا و یار كینە ؟
چێ بوون هەر پێنچ فەرزێن حەقیقەتێ
شێخ و پیر و هۆستا و مەرەبی و یار و برایێن ئاخرەتێ
وە فەرە ل مە سونەتێ، ئیرۆ بۆ دنێ سوبەی بۆ بانگێ ئاخرەتێ
دا مەبەست ژ یار (شاهد) دەمێ كورەكی ئێزدی ژیانا هەڤژینێ پێك دینت دڤیت دوو یار (شاهد) هەبن.
هەر كەسەكی ئێزدی شێخ و پیر و مەرەبێن خو یێت هەین هەلبەت ل گۆری تێكستێن قەول و دوعایێن ئێزدیان شێخ فەخر هوستا و رێبەرێ ئۆلا ئێزدیایە:
بپرسن ژ قەسیدان و مەعنی یە
وەكی بنیانا ڤێ مەجلسێ دانی یە
مەلەك فەخرەدین دزانە هۆستا كی یە
****
مەلەك فەخرەدین ب خۆ دبوو هۆستا
ئەڤ دنیا پیڤابوو ب بۆستا
دەستێ مەلەك فەخرەدین یەك دۆژە و یەك بوهشتا
چەو چەو : بەلا
چەو چەو كەڤتە قەما
راستی چوو دەراو ما
ئێقین ئاخر زەمانە لەوما
چێ یە : چاك یان باش
هنجی جوانی ل رێ یە
هەموو كریارێت وی چێ یە
ئەو دایم حەبیبێ خودێ یە
گێل : كچ
گێلێ گۆ لاو ئەز بمە مارە
و ل هەفت تەبەقێ عەردێ بچمە خوارە
كەسەك مراز بمن نینە ژ خێری مەلكێ جەبارە
بەیگویا : بێ بەخت
نە مالێ كەسی خواریە
نە دلێ كەسی ئازاردیە
بەیگویا ژ دەستی دكرە هاوار و گازی یە
زەبون: هەڤال دین ، مەكسور : دل شكەستی
زەبوونەكی دل مەكسورە
هەكە ژ با مەلك فەخرەدین بێتن دەستورە
دێ مەدەها دەیین ژ بەرێت كورە
قەولێ زەبونێ مەكسور ژ گۆتنە (شێخ فەخرێ)ە، ئەڤ قەولە بنیاتێ قەولێن ئێزدیانە.
تُتاح هذه الصورة أيضا في: کوردی
