پەرستگەهێت ڕۆژێ و ڕامانا گێچین دئێزدیاتیێ دە
هۆگر حەیدۆ
ئاشكرایە دەستپێكا ژیانا مرۆڤی د شكەفتا دا بوو، پشتی ژیانا شكەفتا مرۆڤی دەست ب ژیانا گشتوكالی كری یە ل سەر ڕووباران ژیایە، ل سەر ڕووباران و دناڤ چیایاندا كەش و هەوا ئی ساربوو ، مرۆڤێ وی دەمی بۆ خۆ گەرمكرنێ مفا ژ گەرمیا ڕۆژێ دیتی یە ؛ ژبەر هندێ دوعا بۆ ڕۆژێ دكرن ، ئێكەم دوعا یا مرۆڤی كری دوعایا ڕۆژهلاتی و ڕۆژئاڤایێ بوو وهەتا نهۆ ل ناڤ ئێزدیان دا دئێتە كرن، ژبەر ڤێ چەندێ پەرستگەهێن ڕۆژێ هاتینە ئاڤاكرن، وی دەمی پەرستگەهـ و خانی ب لبنا دهاتنە ئاڤاكرن .
د ئۆلا ئێزدیاندا هندەك كاروكریارژلایێ ئۆلى ڤە د مەها نیسانێ دا هاتینە گونەهكرن ،وەك ڤەگوهاستنا بووكێ، هەروەسا ژ ئالیێ سروشتی ڤەژی هەر دهەمان مەهـ دە هندەك كار وكریارهاتینە گونەهكرن؛ وەك ئاڤاكرنا خانیا ،مەها نیسانێ دوماهیكا دەمێ بارانا وتاڤا یە؛چنكو توو نزانی كەنگی دێ باران باریت یان چ دەمێ سایی یە .
ئاقلدارمەها نیسانێ ژی دهژمێرن حەدێ زڤستان و بارانا،لەورا كارێ هەڕ یێ نائێتە كرن چونكی كای بۆ دروستكرنا لبنا نامینت ( لبن = ئاخ + ئاڤ + كای) و شەقلە ومەد بۆدروستكرنا خانی نینن، ژبەركو دارێت شەقلە ومەد ژێ دئێنە چێكرن هێش دكەسكن، كارێ هەڕیێ پشتی بۆرینا مەها نیسانێ ئاخ كۆلان حەلال دبت وهەڕی دئێتەكرن؛ دبێژنێ ( گێچین) .
دناڤ ئێزدیان دا دبێژنێ گێچینا خاسا؛چنكو قوبێن خاسا پێ دئێنە سپیكرن،ئەڤ كارە ژ ئێكی گۆلانا ڕۆژهەلاتی دەستپێدكەت وب هەڕییا نوو خانیا سور دكەن، هەژی گۆتنی یە توافەك ژی بناڤێ گێچین ل گوندێ دۆغاتا دئێتە كرن.
تُتاح هذه الصورة أيضا في: کوردی
