رۆلێ شێخ شامۆ ژبۆ ئاڤاكرنا سەنتەرەكێ رەوشەنبیری وجڤاكی بۆ ئێزدیان
شمو قاسم
ئەگەر بەحسێ ژیانناما رەحمەتی وكار خەباتا وی بكەین دەمەكێ درێژ دڤێت لەوما بتنێ دێ ئاماژە بكار وخەباتا رەحمەتی كەین ل بنگەهئ لالش شێخ شامۆ ئێك ژ دامەزرێنەرێ بنگەهێ لالش بوو ل سالا 1993ێ وئەندامێ لیژنا بەرهەڤكاربوو و ب هەموو شیانێت خۆ ل 29سالێن بۆری كاركریە ژبۆ پێشئێخستنا بنگەهی ژلایێ رەوشەنبیری وجڤاكی وپەیوەندیا ڤە ورۆلەكێ ئەكتیڤ هەبوو ژبۆ رازیكرنا حكومەتا هەرێمێ بۆ ئاڤاكرنا بارەگایێ بنگەهی لالش ل سەنتەرێ دهۆكێ و ئاڤاكرنا ب دەهان هۆلێن هەلكەفتا ل گوند وباجێرۆكێن ئێزدیخانێ وپشتەڤانیەكا بێ سنوور ل نڤیسەر ورەوشەنبیر و قوتابیان دكر وهاریكاربوو بۆ دەرخستنا گۆڤارا لالش یا ئەكادیمی ودابینكرنا مەزاختیێت وێ وچاپكرنا پەرتۆكا و پرۆگرامێ ئێزدیاتیێ و هەردەم كار دكر ژبۆ بلندكرنا ئاستێ نەته‌وایەتی دناڤا جڤاكێ ئێزدی دا وهەلگرێ دروشمێ جەنابێ سەرۆك بارزانی بوو كو رەسەنترین كورد ئێزدینە،وەغەرا تە شێخێ من خوسارەتەكا مەزن بوو بۆ كوردستانێ ب گشتی و ب تایبەت جڤاكا ئێزدی،شێخێ من تە هەموو دەمێ خۆ تەرخانكربوو بۆ خزمەتا مللەتی و توو پرەك بووی دناڤا جڤاكێ ئێزدی ودەستهلاتێ ژبۆ گەهاندنا دەرد وداخوازێن وان ..وتە رۆلەكی دیار هەبوو دناڤا جڤاكێ ئێزدی دە وهەردەم تە داخوازا مافێ وان دكر ودەردێ وان ل جهێن بەرپرسیار تە ددا خویاكرن ژبۆ خۆشكرنا ژیانا وان كەسانێن وەكە تە دنافا ئێزديخانێ دا هندی تلیێن دەستا بوون.
ئێك ژ ستێرێن هەره گەشێن عەزمانێ كوردستانێ ڕژيا..
شێخێ دلال هەردەم تە ئەڤ پەیڤ دگۆت ونها ئەمێ ژتەرە بێژن
دنیا هێوان چاخن
ووچاخ نە دبن ئاخن
كەسانێن مینا تە نا مرن دساخ
تُتاح هذه الصورة أيضا في: کوردی
