عیدا مێلمێلاڤێ،ڕامان و پیرۆزی
حه‌یده‌ر عه‌ره‌بۆ یوسفانی
بێ گومان ئێزدیان گەلەک عید و عەرفات ھەینە ل ھەر جار وەرزێ سالێ دە ، بیرۆز دکەن و رێ و ڕەسمێن وان ساخ و زندی دکەن ، لێ ھندەک عید د تایبەتن ب ھندەک عەشیرا یان ھنەک چینە ڤە ، بۆ نموونە ، عیدا مێلمێلاڤێ ، عیدەکە تایبەتا ب ھۆزێن جوانا ڤە .
ئەڤ عید دکەفتە ئێنییا دووێ پشتی ڕۆژێ ئێزی ئانکو ب ١٥ ڕۆژان پشتی عیدە رۆژیێن ئێزی ئانکو ئێنییا ئێکێ ژ چلێ زفستانێ ب ھژمارا ڕۆژھەلاتی .
ئەڤ عیدە ل چیایێ شنگالێ دناڤ ھۆزێن جوانا دا و ھندەک چقان ژ ھۆزا کۆرکۆرکا و چەلکان دھێتە گێران ، واتا ڤێ عیدە ژی ب کورتییا دەمێ سالێ ڤە یە گرێدایە و ھێمایێ ڕۆژێ تێدا ئاشکەرایە ئەو ژی : ئاگرە ، واتا ژ ڤێ عیدێ ژ بەرکو ڕۆژ بلند بوویە پشتی کورترین دەمێ خوە دەربازکری ، و بێ گومان واتایە ڤێ عیدێ نێزیک عیدا باتزمی و بێلندێ یە ژ ئالێ گەردوونێ ڤە .
رێ و رەسمێن ڤێ عیدێ :
وەک ھەر عید و ھەلکەفتەکە دن ڤێ عیدێ رێ و رەسمێن خوە ھەنە ، و د جێوازن ژ عید و ھەلکەفتێن دن .
ل ئێڤارا عێدێ ئانکو ل ڕۆژا پێنچ شەمبووێ دێ کاڤانییا مالێ رابێ ب گیرانا نانکا ( نانەکی تایبەتە دگەل ھنەک مێویژ و ھێژیرا) لسەر دەر و جیرانا دە ب خێرە خاسا و بابچاکا و مریێت خۆ بەلاڤەدکە، و بەری ڕۆژ بجت ئاڤا دێ ھەر مالەکێ ھنەک دارە و نباتێ ڕەشک ل بەر دەرێ مالێ کۆمکە و ب دارکێ شخاتێ ئاگر بەردەدێ و زارۆک لێ کۆمدبەن و سێ جارا خۆ لسەرە ھلدەڤێژن و دورکا و دیلۆکا دسترینن و دبێژن :
ئاگرێ مە پێدا پێدا
کەچ غەزالا ب کەلێدە
پیرێ مە ژ وێڤە تێدە
و کابانیا مالێ دێ ھنەک ھێژیر و مێویژ و شێرینیە لسەر سەرێ وان دە ھەلاڤیژێ ب مەرەما پیرۆزیا عیدێ .
ل ڕۆژا عیدێ ئانکو ڕۆژا ئێنیێ دێ خەلک چنە عیدە ئێک و دوو و ل ھەڤ پیرۆز دکەن .
تُتاح هذه الصورة أيضا في: کوردی
