پارتی ئیرادە و سەركەفتنە
دلڤین خەلەف
هەر ژ دامەزراندنا پارتی لسەر دەستێ بابێ رۆحیێ نەتەوا كورد بارزانیێ نەمر بەردەوام پارتی دیموكراتی كوردستان خۆ ب خودانێ مللەتێ كورد ب گشتی و گەلێ كوردستانێ ل ڤێ پارچا ئازاد ب تایبەت دیتیە و ژ هیچ كاودانەكا مەزن ژبن بارێ بەرپرسیارەتیێ پاشڤەنەكێشایە و لژێر هەر هەرەشەكا پەیدابووی ژی خۆ نەچەماندیە و هەردەم بەردەوامی ب خەبات و بەرخودانێ دایە و پێنگاڤێن بلەز پێخەمەت رزگاركرنا كوردستانێ هاڤێتینە، ئەڤە ژی ڤەدگەرێتە سیاسەتا حەكیمانەیا جەنابێ سەرۆك مەسعود بارزانی و هێزو شیانێن سەركردایەتیا پارتیا مە یا سەركەفتی و هەروەسا بوویە نیشانا وێ چەندێ كو هەردەم دوژمنێ گەلێ كورد پارتی كریە ئارمانجا پیلانێن خۆ یێن نەمەرد، لێ ب سایا سیاسەتا سەركردایەتیا مە هیچ پیلانەكا وان بسەرنەكەفتیە و هێزا پارتی ب ئیرادا گەلێ كورد مكومتر بوویە، لەوما هەر د ئەڤان هەلبژارتنێن دەربازبووی دە ب بەرنامەیەكێ دارشتی و سەردەمانە دناڤ جەماوەرێ خۆ دا پارتی بۆ هەموو لایەكی سەلماند كو بتنێ ئەوە ئایندە و ئۆمێدا ڤی مللەتی و تاكە لایەنێ سیاسی یە ل سەرانسەری كوردستانێ شیانێن ئیدارەكرنا گەلێ خۆ بكت، ژبەركو هەر ئەو بوویە خودانا دوو شۆرەشێن مەزن و سەرهلدانا پیرۆز و فدرالیەتا كوردستانێ و گەلێ مە كریە خودان حكومەت و پەرلەمان و ریفراندۆم بۆ سەربەخۆبوونا كوردستانێ ئەنجام دایی و هەر پارتی بوویە مللەتێ مە بەرەف ئاقارەكێ ئارام بری و گەهاندیە قۆناغێن داویێ یێن بدەستڤەئینانا ئارمانجێن سەرەكی یێن گەلێ كوردستانێ، كو ئەو ژی هەبوونا دەولەتەكا ئازاد و سەربەخۆ و وەلاتەكی ئارام لسەر دەستێ رێبەر و لێڤەگەرێ مللەتێ كورد سەرۆك مەسعود بارزانی و ل دەمەكێ نێزیك و ئەڤە ژی خەونا هەردەمیا گەلێ كوردە د درێژیا دیرۆكێ دە، بەلێ دوژمن و نەحەز بووینە رێگر و ئاستەنگی د پێشیا خواستەكێن وی دە پەیداكرینە داكو ئەڤ خەونا كو مافەكێ رەوایە بجهـ نەئێت و نەبتە خودان كیانەكێ سەربەخۆ، بەلێ ئیرۆ سەركردایەتیا پارتی هەموو رێیا ل بەرخۆ دگرێ ژبۆ پاراستنا دەستكەفتێن گەلێ كوردستانێ و گەهشتنا ئارمانجێن سەرەكی یێن كوردستانێ،پیرۆزە ل جەنابێ سەرۆك مەسعود بارزانی و ل سەرجەم ئەندامێن سەركردایەتیا پارتیا مە و ل تەڤ كادر ولایەنگرێن وێ ئەڤ سەركەفتنا مەزن، هیڤیدارین هەموو كاندیدێن سەركەفتی هەول و بزاڤێن خۆ ژبۆ بەرژەوەندیا گشتی و لژێر بنەمایەكێ راست و دروست كو پەیرەوێ پارتیا مەیە و لگۆر راسپاردەیێن رێبازا پیرۆزا بارزانی خزمەتا خەلكێ‌َ كوردستانێ بكن، بژی پارتی، بژی بارزانی، بژی كورد بژی كوردستان.
تُتاح هذه الصورة أيضا في: کوردی
