چاوانیا سەرەدەریكرنا خێزانێ دگەل قوتابی
چنار شمو قاسم
هەموو دەما خێزان حەز دكت كو زارۆكێن وان گرنگیەكا مەزن بدەنە خووندنێ و رادبن ب دابینكرنا هەموو پێداویستیێن قوتابخانێ و ب سەروبەركرنا زارۆكی داكو زارۆك حەز ژ قوتابخانێ بكت و پاشەرۆژەكا باش بۆ خۆ دابین بكت ، لێ هندەك جاران ژبەر هندەك كاودانێن خێزانێ زارۆك حەز ژ قوتابخانێ و خووندنێ ناكەت و ئەڤە دبتە ئەگەرێ دلگرانیا خێزانێ و هەردەم ل رێیا دگەرت داكو زارۆكی ب خوو ندنێ ڤە گرێبدەت،یان ژی هندەك جاران ژبەر وێ ژینگەها قوتابخانێ بت كو زارۆكی پاشڤە دبت بۆ حەزێن خووندنێ یان هندەك جاران هەڤالێن نە باش دبتە ئەگەرێ نە ئارامیا وی دگەل وان ، و هندەك جاران ژی ژبەر توندوتیژیێ ژئالیێ هندەك زارۆكێن ژ وی مەزنتر یان نەنیاس ڤە حەزێن وی بۆ قوتابخانێ كێم دبت،هەردیسان دبت ژ ئەگەرێ نە ئارامیا وی دگەل هندەك مامۆستایا كو كاریگەریەكا بەرچاڤ ل وی دكت كو خۆ دوور بێخت ژ قوتابخانێ.
هندەك رێ هەنە كو قوتابی ب خووندنێ ڤە بێتە گرێدان ئەگەر خێزان پێگریێ پێ بكت،ژ وانا ژی:
1-تێگەهاندنا قوتابی لسەر گرنگیا خووندنێ و قوتابخانێ و هەردیسان هندەك نموونێن كەڤن و سەردەمانە بێنە بەحسكرن ،وەك كورێ یان كچا فلانی ئەندازیار یان نۆژدارە و هەروەسا بەحس ل دەرد و رەزیلیا كەڤن بكت كانێ چاوا بابێن مە خۆ دگەهاندنە قوتابخانێ و دووراتیا دناڤبەرا مالێ و قوتابخانێ دا ،هەروەسا بزەحمەت بدەستڤەئینانا پێداویستیێن قوتابخانێ.
2-فێركرنا قوتابی ل دەستپێكا سالا خووندنێ تاكو داویێ و ئەڤ رێیەك هەری گرنگە كو قوتابی ب خووندنێ ڤە بێتە گرێدان و شیانێن خووندن و نڤیسینێ هەبت و دەست نیشانكرنا وەختەكی گونجایی بۆ خووندنێ و بۆ یاریان.
3-سزادانا زارۆكی ب وان بابەتێن لاواز بۆ نموونە ل وەرزێ هاڤینێ دەست ب خووندنا وی بابەتێ لاواز بكت وەك سزادان،ژبەركو ل وەرزێ هاڤینێ قوتابی حەز ژ خووندنێ ناكەت و ئەڤە دێ بتە رێیەكا باش كو ل دەمێ قوتابخانێ دا گرنگیێ بدەتە وی بابەتێ لاواز.
4-چ جاران قوتابی ناچار نەكە بخوونت،چنكو ئەگەر ب دلێ وی نەبت هیچ مفایەكی ژێ وەرناگرت.
5-هەردەم دەلیڤا بدێ كو خۆ ژبیر بكت و یاریان بكت و بچتە نك هەڤالێن خۆ.
6- ئێك ژ رێیێن هەرە سەرەكی و گرنگ لسەر خێزانێ پێتڤیە بتر هەڤالێن زارۆكێن خۆ بناست و بزانت كانێ زارۆكێن وی دانوستاندنێ دگەل چ جۆرە قوتابی دكت ل قوتابخانێ ،ژبەركو هەڤالێن وی دێ كاریگەریەكا مەزن ل وی كن چنكو ئەگەر هەڤالێن وی حەز ژ خووندنێ بكت ئەو ژی دێ حەز ژێ كت و ئەگەر حەز ژ خووندنێ نەكت ئەو ژی حەز ژێ ناكت،لەوما پێتڤیە خێزان هندەك رێیێن ستراتیژی بكاربینت داكو هەڤالێن باش بۆ زارۆكێن خۆ دروست بكت.
تُتاح هذه الصورة أيضا في: کوردی
