كاریگەریا ڤەگەریانا ئەرەبێن دەڤەرا شنگالێ لسەر جینۆسایدا ئێزدیان
سەردار داود
پشتی ڤەگەریانا ئەرەبێن گوندێ گۆلات ل باكوورێ چیایێ شنگالێ سەر ب ناوچە‌داریا سنوونێ ڤە ،ئێزدی گەلەك دلگران بووینە ژ ڤێ چەندێ و گەلەك تشت لسەر تۆرێن جڤاكی هاتن بەلاڤكرن لسەر ڤی تشتێ چێبوویی و گەلەك پەیڤ و گۆتن دناڤ جڤاكا ئێزدی دا چێبوون،هەروەسا هەردوو لایان گەلەك گەف ل ئێك و دوو كرن ژبەركۆ پتریا ئەرەبێن دەڤەرا شنگالێ دەستێ وان لگەل داعش دابوو گەلەك تاوانێن مەزن دژی مللەتێ ئێزدی ئەنجام دان ژ گرتن و كوشتن و كەنیزەكرنا كەچ و ژنان و تالانكرنا مال و ملكێ ئێزدیان،ئەو ئەرەبێن داعش ب پشتەڤانیا حكومەتا ناڤەندی و دەزگەهێن ئەمنی ڤەگەریانە سەر جیێن خۆ ڤە،لێ ب دیتنا من ئەڤەژی فێلبازیەكا سیاسیە داكو مللەتێ ئێزدی ب تۆلڤەكرنا خۆ رابن ژ وی خەلكێ تاوانبار و ئێزدی ژ خەلكەكی زۆری لێ هاتیەكرن ببنە خەلكەكی تاوانبار و مافێ وان بێتە ونداكرن،هەروەسا ئەو ئێزدیێن ل چیایێ شنگالێ ماین و بەرەڤانی ژ چیایێ خۆ كرین لسەر كەنالێن ئەرەبی ب چەكدار یان میلیشیات ب ناڤ دكن و هندەك جاران ب تیرۆرست ژی بناڤ دكن لێ پشتی پێكئینانا لژنەكا دیاركرنا راستیا ژلایێ رێكخراوا(UN )ڤە ل دەمەكی نێزیك بێتە شنگال و دەست بكارێ خۆ بكن بۆ لێگەریانێ لسەر گۆرێن بكۆم و ئەنجام دانا چاڤپێكەفتنان دگەل كەسێن رزگار بوویێن دەستێ داعش و كۆمكرن و تۆماركرنا بەلگەنامێن لسەر جینۆسایدا ئێزدیان،ب دیتنا من دڤێت ئێزدی لڤی دەمی خۆ ئارام بكن و چ ئاریشان دروست نەكن دگەل وان ئەرەبان،داكو كارتێكرنەكا خراب لسەر كەیسا ئێزدیان نەئێتە كرن.
تُتاح هذه الصورة أيضا في: کوردی
