تۆرا لالش
ب هەلکەفتا سالڕۆژا شۆرەشا گولانا دیرۆکی و بیرئانینا رۆژێن بووینە سەدەما هەلاتنا رۆژا ئەڤرۆ، رۆژا دووشەمبوویێ رێکەفتی (26 / 5 / 2025)، بنگەهێ لالش تایێ باعەدرێ ب هەڤکاری دگەل لژنا ناوچا باعەدرێ یا PDKێ رابوون ب ساخکرنا سالڕۆژا شۆرەشا گولانا دیرۆکی ب ئامادەکرنا سمینارەکێ بۆ نڤیسەر و ڤەکۆلەرێ بەرنیاس (مصدق توڤی) ل دۆر بابەتێ (خوێندن و پەروەردە ل سەر دەمێ شۆرەشا گولانێ دا) ل هۆلا باعەدرێ یا بیرەوەریان.
رێڤەچوونا ڕێ و رەسمێن سمینارێ ب ئامادەبوونا سەرۆکێ دەستەیا بلندا بنگەهێ لالش سه‌عيد جردو و بەرپرسێ لقا 20 یا پارتی دیموکراتی کوردستان صالح حه‌يده‌ر و و کارگێڕێ لقا ناڤهاتی و بەرپرسێ بەشێ جەماوەری هەڤال سالح نەرمو و بەرپرسێ لژنا ناوچا باعەدرێ نه‌جیم الیاس و تەڤایا جومگێن جودایێن ب سەر لقێ ڤە و کادرێن دێرین و ریهسپی و کەسایەتی و چەند نڤیسەرێن بەرنیاسێن دهۆکێ و فەرمانبەر و مامۆستا و ژمارەکا زۆر ژ تەخ و پێکهاتێن جودا یێن باعەدرێ و دەڤەرێ.
پشتی چەندەکێ وەک رێزگرتن بۆ شەهیدێن بزاڤا ڕزگاری خوازا گەلێ کورد سەر كاروانێ وان بارزانیێ نەمر و کاک ئیدریسێ هەمیشە زیندوو سمینارێ دەستپێکر.
ل دەستپێکێ بەرپرسێ بنگەهێ لالش تایێ باعەدرێ خه‌لات باعەدری ب خێرهاتنا تەڤایا ئامادەبوویان کر و کورتیەک ل دۆر ژیانا سمیناربێژی بۆ ئامادەبوویان بەحسکر.
پاشی سمیناربێژی بەحسا ڤێ ڕۆژا دیرۆکی کر د دیرۆکا گەلێ کورد دا و رۆناهی ئێخستە سەر سەدەم و چەوانی و ڕەوشا خوێندنێ د وان رۆژێن سەخت و دژوار دا وەک چەکەکێ دی یێ شۆرەشێ، دیسان دناڤا ئاخفتنێن خۆدا بەحسا پشتەڤانی و رۆلێ سەرکردایەتیا شۆڕشێ كر ژ بۆ ڤی تەوەرێ گرنگێ خەباتێ کر ل دەڤەر و جهێن جودا جودا.
هەورەها رۆناهی ئێخستە سەر سال و جهێ قۆتابخانان و شێوازێ پەروەردە و خوێندنێ و زانیاریێن دیترێن گرێدایی ڤی تەوەری ڤە، ئەڤە و چەندین پرس و زانیاریێن دیترێن بالکێش کو سمینار پتر دەولەمەنتر کر و ئامادەبوویی ب وان کاودانان ڤە ئاشناکرن.
پاشان دەرگەهێ پرسیارکرنێ ژلایێ بەرپرسێ لژنا ناوچا باعەدرێ ڤە نه‌جیم الیاس ڤە هاتە ڤەکرن و دان و ستاندن ل سەر بابەتێ سمینارێ دناڤبەرا سمیناربێژی و ئامادەبوویان ڤە ب چەند پرسیار و رۆنکرن و زێده‌كرنێن دروست و زەنگینتر ب بوو.
ل داویێ نڤیسەر ب قەڵغانێ ڕێزلێنانێ ژلایێ بنگەهێ لالش باعەدرێ ڤە ڕێز لێ هاتە گرتن، هەروەها نڤیسەری ژی ژلایێ خۆڤە چەندین پەرتۆکێن خۆ کرنە دیاری بۆ ئامادەبوویان، بڤی ئاوایی هێڤاریەک جوان و بالکێش دناڤا بیرهاتنێن جوان دەرباز بوو.
تُتاح هذه الصورة أيضا في: کوردی
