تۆرا لالش
ب ئامادەبوونا هژمارەکا زۆر ژ دام و دەزگەهێن حزبی و حکومی و کەسایەتیێن دەڤەرێ و سەمیانێن زارۆکان، ل رێکەفتی 20/5/2025 باغچێ شاریا یێ زارۆکان ب هەڤکاری دگەل بنگەهێ لالش تایێ شاریا ل هولا لالش(1) رابوون ب گێرانا ئاهنگا دەرچوونا گەڕا 13 یا باغچێ زارۆکان ل كۆمه‌لگه‌ها شاریا.
ل دەستپێکێ خۆلەکەک راوەستیان ژ بۆ گیانێ پاکێ شەهیدان، پاشان رێڤەبەرا باغچێ شاریا یێ زارۆکان مامۆستا (بێریڤان سالم) پەیڤەک پێشکێشکر و بخێرهاتنا ئامادەبوویان کر و دەست خۆشی ل هەموو مامۆستایێن باغچەی کر و داخوازا سەرکەفتنێ بۆ هەموو زارۆکان خواست و هەروەسا سوپاسیەکا تایبەت ئاراستەی بنگەهێ لالش تایێ شاریا کر کو بەردەوم پشتەڤانیا باغچێ شاریا یێ زارۆکان دکەت.
پاشان چەندین برگێن هەمەجۆر ژ لایێ گرۆپێن باغچەیڤە ل دۆر زانست و زانینێ و گوتنا سترانا و پاقژیێ و ڤیانا وان بۆ ئێک و دوو ژ لایێ زارۆکێن باغچەیڤە هاتنه نمایشکرن.
هەر دیسان برگەکا مۆزیکی ژ لایێ گرۆپێ بهارا هیڤیا ڤە هاتە هاتە پێشکێشکرن.
جهێ ئاماژێ یە، ژبەر رۆلێ بنگەهێ لالش تایێ شاریا بۆ خەلکێ دەڤەرێ و ب تایبەت زارۆکان، ڕێزلێنان ژ لایێ رێڤەبەرا باغچەیڤە ب بنگەهی هاتە دان، هەروەسا رێزلێنان ب سەر هەموو مامۆستایێن باغچەیڤە هاتنه دابەشکرن و ل دووماهیێ ژی باوەرنامە ب سەر پتر ژ (90) زارۆکان دا هاتنە دابەشکرن.
ب رێڤەبرنا پەنەلی ژ لایێ مامۆستایا باغچێ زارۆکان ڤە (پەیمان جوقی) بوو.
تُتاح هذه الصورة أيضا في: کوردی
