تۆرا لالش
ل رێكه‌فتی 2/3/2025ێ، نڤیسینگه‌ها لالش یا مه‌هه‌تێ ب هه‌ڤكارییا ده‌زگه‌هێ خێرخوازییێ بارزانی خۆله‌كا ب هێزكرنا زمانێ ئینگلیزییێ بۆ (20) كچ و كورێن كۆمه‌لگه‌ها مه‌هه‌تێ ڤه‌كر و دێ بۆ ماوێ هه‌یڤه‌كێ ڤه‌كێشت.
ل ده‌ستپێكێ به‌رپرسێ نڤیسینگه‌هێ مه‌هدی حه‌سه‌ن په‌یڤه‌ك پێشكێشكر و تێدا باسێ گرنگییا فێربوونا زمانێ ئینگلیزییێ و رۆلێ وی زمانی د به‌رفره‌هكرنا ئاسۆیێن خواندكاران و مومكرنا ره‌وشه‌نبیریا وان یا گشتی كر، و ته‌ئكید كر كو شاره‌زابوون د زمانان دا پره‌كه ژ بۆ زانین و په‌یوه‌ندیكرنێ دناڤ نه‌ته‌وان دا.
ئارمانج ژ ڤه‌كرنا ڤێ خۆلێ بلندكرنا ئاستێ خواندكارانه د شیانێن زمانێ ئینگلیزییێ دا، ب جۆره‌كی كو دێ هاریكاریێ كه‌ت د پێشڤه‌برنا شیانێن وان یێن ئه‌كادیمی و پیشه‌یی ل داهاتی دا.
تُتاح هذه الصورة أيضا في: کوردی
