شانده‌كێ مالا ئێزدییان سه‌ره‌دانا بنگه‌هێ لالش كر
تۆرا لالش
ئیرۆ ل رێكه‌فتی 29/9/2024ێ، شانده‌كێ مالا ئێزدییان ل باژێرێ ئۆلندبۆرك ل ئه‌لمانیا ب سه‌رپه‌رشتییا به‌سام شنگالی به‌رپرسێ گه‌نجان ل وێ رێكخراوێ، سه‌ره‌دانا بنگه‌هێ لالش ل دهۆكێ كر و ژ ئالیێ رێزدار سه‌رۆك و ئه‌ندامێن بنگه‌هێ لالش ڤه هاتنه پێشوازی كرن.
ل دووڤدا، هه‌ردوو لایه‌نان كۆمبوونه‌كا به‌رفره‌هـ ئه‌نجامدا كو تێدا گه‌له‌ك بابه‌تێن گرنگ گه‌نگه‌شه‌كرن ژوانژی رێكێن چێكرنا هه‌ڤكارییه‌كا به‌رفره‌هتر دناڤبه‌را هه‌ردوو رێكخراواندا.
شنگالی دیاركر كو: سه‌ره‌دانا مه بۆ بنگه‌هێ لالش، كو ناڤه‌نده‌كا گرنگه بۆ چاندا ئێزدییان، هه‌روه‌سا گاڤه‌كا گرنگه بۆ ب هێز كرنا په‌یوه‌ندییێن مه و دانانا پلانێن هه‌ڤبه‌ش بۆ پاراستن و به‌لاڤكرنا چاندا ئێزدی ل ده‌رڤه‌ی وه‌لاتی.
هه‌روه‌سا، رێزدار سه‌عید جردۆ سه‌رۆكێ بنگه‌هێ لالش ژی خۆشحالییا خوه بۆ ڤێ سه‌ره‌دانی ده‌ربری، و گۆت هه‌ڤكارییا مه دگه‌ل مالا ئێزدییان ل ئه‌لمانیا دێ رۆله‌كێ گرنگ گێرت بۆ پاراستن و گه‌شه‌پێدانا ناسنامه و كه‌لتۆر و فلكلۆرێ مه ئێزدییان.
تێ زانین به‌ری نهۆ ل وه‌لاتێ ئه‌لمانیا یاداشتنامه‌كا هه‌ڤتێگه‌هشتنێ دناڤبه‌را هه‌ردوو ئالیان دا هاتبوو ئیمزاكرن.
تُتاح هذه الصورة أيضا في: کوردی
