بنگەهێ لالش خەلاتێ رێزلێنانێ پێشکێشی ئێكهتییا ئافرەتێن شنگالێ كر
تۆرا لالش
ل رێكهفتی 24/8/2024ێ، بنگەهێ لالش یێ رەوشەنبیری و جڤاکی ل دهوکێ، خەلاتێ رێزلێنانێ پێشکێشی بەرپرسا ئێكهتیا ئافرەتێن شنگال خانم ئەدیبە سەیدو کر ئەڤ خەلاتە وەک رێزگرتن بوو بۆ هەول و شیان و خەمخورییا ناڤەندێ بەرامبەر ئافرەتا شنگالێ.
د مەراسیمەکا تایبەت دا ل باژێرێ دهوکێ سهرۆكێ بنگەهێ لالش بهرێز سەعید جردۆ خەلاتێ رێزلێنانێ پێشکێشی خانم ئەدیبە سەیدو کر و جەخت ل سەر گرنگیا کارێ هەڤبەش کر ژ بۆ خزمەتکرنا ئافرەتێ ب گشتی و ئافرەتا شنگال ب تایبەتی.
د ئاخفتنەکێ دا سەعید جردۆ گۆت: ئەم وەک بنگەهێ لالش گەلەک سەربلند ین کو دكارین پشتەڤانیێ ل کارێ ئێكهتیا ئافرەتێن شنگال بکەین و ئەڤ خەلاتە نیشانا هاریکاریا مە یا بەردەوامە بۆ ڤێ چهندێ.
ژ ئالیێ خۆ ڤە خانم ئەدیبە سەیدو سوپاسیا بنگەهێ لالش کر و گۆت: ئەڤ خەلاتە بۆ مه هاندەرەکێ مهزنه و بتر دكارین بەردەوام بین ل سەر کارێ خۆ یێ مرۆڤدۆستانە و زێدهتر دكارین پشتەڤانیا ئافرەتێن شنگالی بکەین و ئهڤ خهلاته دێ بنه ئهگهرێ هاندانا زێدەتر یا كارێ پێكڤهیی بۆ هەردوو ئالیان ئهوژی ژبۆ باشترکرنا رەوشا ئافرەتان ل دەڤەرێ.
تُتاح هذه الصورة أيضا في: کوردی
