ل كهمپا خانكێ نڤیسینگەها لالش گۆهبڵ و تایێ سنونێ بهریکانەکا زانستی ل کەمپا خانکێ ئهنجام دا
تۆرا لالش
ل رێكهفتی 23/8/2024ێ، بهریکانا رەوشەنبیری یا کو ل کەمپا خانکێ هاتیە ئەنجامدان، بوویە جهێ کەیف و خوشیێ بۆ قوتابیێن بەشدار، ئەڤ چالاکییە ژ لایێ نڤیسینگەها لالش گۆهبڵ و تایێ سنونێ ڤە هاتبوو رێکخستن ئهوژی ب مهبهستا بلندکرنا ئاستێ زانینا قوتابیان و هاندانا وان بۆ فێربوونێ.
دوو گروپ هاتنە دروستکرن، ئێک ژ کوڕان و یا دی ژ کەچان، هەمی ژی قوتابیێن قوناغا ئامادەیێ بوون، مامۆستایێن پسپۆر د وارێن ئێنگلیزی، کوردی و ئێزدیاتی دا پرسیار ژ وان دکرن.
بهریکانە گەلەک یه گەرم بوو و یه ب ههڤركی بوو، هەردوو گرۆپان ب رژدی خەبات کر دا کو زۆرترین خالان بدەست خۆڤە بینن، ل دوماهیکێ، گروپێ کوڕان ب دەستڤەئینانا ١٠ خالان سەرکەفت، لێ گروپا کەچان ژی بهردهوام پێكۆلێن سهركهفتنێ دكرن و ٩ خال بدەست خۆڤە ئینان.
پشتی بهریکانێ، دیاری لسەر بەشداربوویان هاتنە دابەشکرن دا کو هاندەر بن بۆ بەردەوامیا خواندن و فێربوونێ، هەروەسا بەشداربوویان سپاسیا خۆ بۆ بەرپرس و ئەندامێن نڤیسینگەها لالش دیاركر.
ئەڤ جۆرە چالاکی گەلەک گرنگن ژبۆ پێشخستنا زانین و شیانێن قوتابیان، نەخاسمە یێن کو د کەمپان دا دژین، چنكو ئەو نە بتنێ دبنە ئەگەرێ زێدەکرنا زانینێ، بهلكو هەستێ هەڤرکیێ و کارێ گروپی د ناڤ قوتابیان دا بهێز دکەن.
بهژداربوویان دیاركركرن، هیڤی دکەین کو ئەڤ جۆرە چالاکی د بەردەوام بن و داكو زێدەتر قوتابی مفایی ژێ وەربگرن، داکو نفشەکێ زانا و ب شیان بۆ پاشهرۆژێ بێنه ئامادهكرن.
تُتاح هذه الصورة أيضا في: کوردی
