مۆندیالا ته‌پاپێ يا بچوککرى يا خانمان ل هه‌رێما كوردستانێ دەستپێكر و هەڵبژارتيێ کوردستانێ د ئێكه‌مين یاریا خۆ دا رووبرووی هەڵبژارتيێ خانمێن ئوردنێ بوو و سه‌ركه‌فتن تۆماركر.

دوهى ڕۆژا چارشه‌مبوويێ 17ـى ئه‌يلوولا 2025، مۆندیالا ته‌پاپێ يا بچوککرى يا خانمان ب به‌شداريا هەشت هەڵبژارتيێن كیشوەرێن جودايێن جیهانێ ل هه‌رێما كوردستانێ ب ڕێڤه‌چوو.

د ئێكه‌مين یاریا خۆ دا هەڵبژارتيێ کوردستانێ رووبرووی هەڵبژارتيێ خانمێن ئوردنێ بوو و كارى 13 گۆڵان بێ به‌رامبه‌ر بسه‌ر هه‌لبژارتيێ ئوردنێ دا تۆمار بكه‌ت.

دوو گۆلێن هه‌ڵبژارتيێ كوردستانێ ژلايێ ياريزانا ئێزدى ناڤين سه‌عيد ڤه‌ هاتنه‌ تۆماركرن و ئێكه‌م ياريزانا كچا ئێزدييه‌ ياريێ دكه‌ت.

هەڵبژارتيێ كوردستانێ ب ڕاهێنەرایەتيا مەزن محەمەد بەشداریێ د قاره‌مانيێ دا دكه‌ت، بڕیاره‌ یاریا داويێ ل ڕۆژا 22ـی ڤێ هه‌يڤێ ل هەولێرا پايته‌خت ب ڕێڤەبچت.