تۆرا لالش
ئیرۆ ل رێكهفتی 17/9/2025ێ، میر حازم تهحسین سهعید بهگ ميرێ ئێزدیان ل كوردستان و جیهانێ پێشوازی ل کلۆدیۆ کۆردۆن جێگرێ نوونهرێ تایبهت یێ سكرتێرێ گشتی یێ نهتهوهیێن ههڤگرتی بۆ كاروبارێن سیاسی و ههلبژارتنان ل كۆچكا میری ل شێخان كر.
میرێ ئێزدیان گهنگهشه ل سهر ئایندهیێ ئێزدیان پشتی ڤهكێشانا یونیتاد كر، ههروهسان ڤهگهریانا ئاواران بۆ جهـ و وارێن وان ب شێوازێ شهرهفمهندانه و ههروهسان دامهزراندنا ئیدارا شهرعی یا شنگالێ بۆ وێ دهڤهرێ بۆ سهناهیكرنا خزمهتگوزاریان و مومكرنا ژێرخانا ئابووری و خزمهتكرنا وێ دهڤهرێ ژ تهوهرێن گهنگهشێ بوون.
ههروهسان میرێ ئێزدیان دلگرانیا خۆ بهرامبهر گوتارا كهرب و كینێ یا ل دژی ئێزدیان دئێـته ئهنجام دان دیاركر و گۆت: ئهڤ چهنده مهترسیهكا راستهقینهیه ل سهر مافێن كێمینهیان ل عیراقێ، لهوران داخوازا پاراستنا فرهلایهنیا كۆمهلایهتی دكهین.
ژ ئالیێ خۆڤه لۆدیۆ کۆردۆن جێگرێ نوونهرێ تایبهت یێ سكرتێرێ گشتی یێ نهتهوهیێن ههڤگرتی بۆ كاروبارێن سیاسی و ههلبژارتنان دیڤچۆن ل سهر پرسا ئێزدیان و پشتهڤانیكرنا ئێزدیان و مافێن وان دووپاتكر و دیاركر جهێن شۆلهژێ پێتڤیه بهرپرسیارهتی یا سهكناندنا گوتارا كهرب و كینێ ههلبگرن و بهرهڤانیێ ب ههموو شێوازان ل كێمنهیان بكت.
تُتاح هذه الصورة أيضا في: کوردی
