ئیرۆ پێنج شهمبوویێ، 11ـی ئیلۆنا 2025، مهسرور بارزانی، سهرۆكێ حكومهتا ههرێما كوردستانێ پهیامهكا پیرۆزباهیێ ب ههلكهفتا 64 سالیادا ههلگیرسانا شۆرهشا مهزنا ئیلۆنێ بهڵاڤكر.
د پهیاما سهرۆكێ حکومەتا هەرێما کوردستانێ دا هاتییه: ئیرۆ ب ڕێز و شكۆ ڤه، ساڵیادا شۆڕهشا مهزنا ئیلۆنێ ب ڕابهراتیا رابهرێ نیشتیمانی جهنابێ بارزانیێ نهمر دكهینهڤه، كو شۆرهشهكا سهرتاسهری یا خهڵكێ كوردستانێ بوو ب ههموو نهتهوه و ئاین و پێكهاتێن جیاواز ڤه، ل پێناڤی بهرهڤانیكرنێ ل مافێن نهتهوهیی و نشتیمانی یێن گهلێ كوردستانێ و بهرامبهری ستهم و داگیركاریێ سهكنین.
مەسرور بارزانی دووپاتکر، ژ ئهگهرێ خۆڕاگری و ئیرادهیا ب هێز یا خهلكێ كوردستانێ و ئێكرێزیا گهلێ كوردستانێ ل شۆرهشا ئیلۆنێ دا، چهندین دهستكهفتێن گرنگ بدهستڤههاتن، گرنگترین ژی ڕێككهفتنا 11ی ئادارا 1970ێ بوو و ناچاركرنا رێژێما عیراقێ بوو دانپێدانێ ب مافێن گهلێ كوردستانێ بكهت.
سەرۆکێ حکومەتا هەرێما کوردستانێ دبێژت: د (64)هەمین ساڵیادا شۆرهشا مهزن یا ئیلۆنێ دا، ڕژدیێ ل پابهندبوون و بلندراگرتنا بههایێن گرنگ و ب نرخێن شۆرهشا ئهیلولێ دكهینهڤه ل ئێكرێزی و تهبایا ههموو پێكهاته و چین و توێژێن گهلێ كوردستانێ ل پێناڤی ماف و دهستكهفتێن نیشتیمانی یێن گهلێ مه و پاراستنا قهوارێ دهستووری یێ ههرێما كوردستانێ.
د پشکەکا دی یا پەیاما سەرۆکێ حکومەتا هەرێما کوردستانێ دا هاتییە، سلاڤ ل گیانێ پاقژ یێ شههیدێن شۆرهشا ئهیلولێ و تهڤایا شههیدێن كوردستانێ.
تُتاح هذه الصورة أيضا في: کوردی
