شانده‌كێ كۆمه‌لا نیڤده‌وله‌تی یا مافێ مرۆڤی سه‌ره‌دانا بنگه‌هێ لالش كر.
تۆرا لالش
ئیرۆ ل رێكه‌فتی 11/6/2025ێ، ماتیاس کۆنراد بۆینینک، ئەمیندارێ گشتی یێ كۆمه‌لا نیڤده‌وله‌تی بۆ مافێن مرۆڤی (ISHR) و خەلیل قاسم بۆزانی، رێڤه‌به‌رێ هاریكاریێن مرۆڤی بۆ رۆژهه‌لاتا ناڤه‌راست ل كۆمیسۆنا نیڤده‌وله‌تی بۆ مافێن مرۆڤی ب هه‌ڤرا سه‌ره‌دانا باره‌گه‌هێ گشتی یێ بنگه‌هێ لالش ل دهۆكێ كرن و ژلایێ سه‌عید جردۆ سه‌رۆكێ بنگه‌هێ لالش و ئه‌ندامێن بنگه‌هێ لالش هاتنه پێشوازی كرن.
د هه‌ڤدیتنێ دا، رژدی ل سه‌ر به‌رده‌وامیا پێشكێشكرنا هه‌ڤكاری و پشته‌ڤانیێ چ ل سه‌ر ئاستێ ناڤخۆ یان ژ ده‌رڤه‌ی وه‌لاتی بۆ ئێزیدیان هاته كرن هه‌تا وی ده‌می ئێزدی ب دادپه‌وه‌ری دگه‌هنه مافێن خۆ.
هه‌روه‌سان رژدی ل سه‌ر داخوازیا په‌نابه‌رێن ئێزدی ل ئه‌لمانیا هاته كرن كو نه‌ئێنه دیپۆرت كرن، چنكو هێشتا برینێن كۆمه‌لكووژیێ خوین ژێ دئێت.
هه‌روه‌سان به‌حسێ ڕۆلێ حكومه‌تا هه‌رێما كوردستانێ د پشته‌ڤانی و هاریكاری كرنا هه‌موو پێكهاتێن ئۆلی و نه‌ته‌وه‌یی ل هه‌رێمێ هاته كرن،بنگه‌هێ لالش دیاركر فه‌ره بۆ ڤێ چه‌ندێ فه‌ره كۆمه‌لگه‌هێن ئه‌ورۆپی پێشوازیێ ل ڤێ خاڵا پێكڤه‌ژیانێ ل هه‌رێما كوردستانێ بكه‌ت.
د ره‌خه‌كێ دی یێ هه‌ڤدیتنێ دا، ڕۆلێ بنگه‌هێ لالش دناڤ ئێزدیان ب تایبه‌تی و ل كوردستانێ ب گشتی د پاراستنا چاند و كلتوور و فلكلورێ كوردی هاته به‌حس كرن، هه‌روه‌سان هه‌ردوو ئالیان پشته‌ڤانیا خوه بۆ هه‌ڤدوو و كارێن هه‌ڤپه‌ش دانه دیاركرن.
تُتاح هذه الصورة أيضا في: کوردی
