ل دەمژمێر 10:30 خۆلەکێن سپێدەهیا ئيرۆ چارشەمبوويێ، 9-4-2025، سەرۆک بارزانی د ڕێوڕەسمەکێ دا، 17هه‌مین پێشانگەها نێڤدەولەتییا هەولێرێ یا پەرتووكان ل ژێر دروشمێ (جیهان ب کوردی دئاخڤيت) ڤەکر.
بنگه‌هێ لالش یێ ره‌وشه‌نبیری و كۆمه‌لایه‌تی بۆ ئێكه‌مین جار پشكداری د ڤێ پێشانگه‌هێ داكر و لايه‌كێ پێشانگه‌هێ بۆ وه‌شانێن بنگه‌هێ لالش هاتبوو ته‌رخانكرن، كو تێدا چه‌ندين په‌رتووك و وه‌شان ب ناڤ و نيشانێن جودا ده‌رباره‌ى ئێزديان هاتنه پيشاندان.
پشتی ڤەکرنێ، سەرۆک بارزانی بەشێن جودا یێن پێشانگەهێ سەرەدان کرن و ژمارەیەکا په‌رتووكێن جۆراوجۆر کڕین.
ئيساله زێدەتر ژ 350 ناڤەندێن چاپکرن و بەلاڤکرنێ ژ 22 وەلاتێن جیهانێ بەشداری د پێشانگەهێ دا کرینە و هه‌زاران ناڤ و نیشانێن جۆراوجۆر نیشان ددەن.
پێشانگەها نێڤدەولەتییا هەولێرێ یا پەرتووكان دێ بۆ ماوەیێ 10 ڕۆژان بەردەوام بت و ڕۆژانە ژ دەمژمێر 10:00ـێ سپێدێ هەتا 08:00ـێ ئێڤارى ڤەکری بت.
د چارچووڤێ چالاکیێن پێشانگەهێ دا، گەلەک چالاکیێن جۆراوجۆر دێ ئێنە ئەنجامدان وەکو: دانوستاندێن ڕەوشەنبیری و کەلتووری یێن جۆراوجۆر، خواندنا هەلبەستان، ئیمزاکرنا په‌رتووكێن نوو، ئاهەنگێن هونەری و پانێلێن جۆراوجۆر دەربارەی عيراقێ و دەڤەرێ.
تُتاح هذه الصورة أيضا في: کوردی
