تۆرا لالش
ل دووڤ راپرسیه‌كا تایبه‌ت ب ره‌وشا جڤاكی ڤه، 17.5% ژ وه‌لاتیێن عێراقێ و هه‌رێما كوردستانێ د بن هێلا هه‌ژاریێ دانه، ب ڤی ره‌نگی نێزیكی هه‌ر پێنج كه‌سان، ئێك ژوان د بن ڤی هێلێ دایه.
ئه‌ڤ ئه‌نجامه ئیرۆ چارشه‌مبووێ 26ێ شوباتا 2025 ژلایێ وه‌زاره‌تا پلاندانانا عێراقێ ڤه هاتنه به‌لاڤكرن، پیڤه‌رێ هێلا هه‌ژارییێ ژی د ڤێ سه‌رژمێریێ دا ل سه‌ر بنه‌مایێ داهاتێ مه‌هانه یێ هه‌ر كه‌سه‌كی هاتیه دانان كو ژ 137 هزار دیناران كێمتر بت، بۆ مالباته‌كا شه‌ش كه‌سی مه‌هانه 820 هزار دینار داهاتێ وان هه‌بت.
ل دووڤ راپرسیێ، پتریا رێژا هه‌ژاریێ ل پارێزگه‌ها موسه‌ننا بوویه كو 44% ژ روونشتیێن وێ هه‌ژارن، كێمترین رێژا هه‌ژارییێ ژی ل هه‌ولێرێ یه كو 6% یه.
رێژا هه‌ژارییێ ل پارێزگه‌هێن سلێمانی و هه‌له‌بجه 8% یه، كو رێزا دووێ دئێت ب كێمترین رێژا هه‌ژارییێ ل سه‌ر ئاستێ عێراق و هه‌رێما كوردستانێ، هه‌روه‌سا 15% ژ روونشتیێن پارێزگه‌ها دهۆكێ ل دووڤ ڤێ ئامارێ د بن هێلا هه‌ژارییێ دانه.
رێژا هه‌ژاریێ ل پارێزگه‌هێن عێراق و هه‌رێما كوردستانێ ژ كێمترینێ هه‌تا پترینێ:
- هه‌ولێر: 6%
- سلێمانی و هه‌له‌بجه: 8%
- كه‌ركووك: 10%
- به‌غدا: 14%
- زیقار: 14%
- دهۆك: 15%
- نه‌ینه‌وا: 16%
- میسان: 16%
- دیاله: 17%
- سه‌لاحه‌دین: 19%
- واست: 19%
- كه‌ربه‌لا: 20%
- ئه‌نبار: 21%
- نه‌جه‌ف: 25%
- به‌سره: 28%
- قادسیه (دیوانیه): 29%
- بابل: 34%
- موسه‌ننا: 44%
تُتاح هذه الصورة أيضا في: کوردی
