تۆرا لالش
ئاراس جەبار، شەهرەزایێ سەقاناسیێ ڕاگەهاندیە: “ئێڤاریا ئەڤڕۆ ئێکشەمبی 19/1/2025 بارستەھەوایەکێ سار و پێلەکا لاواز بۆ ناڤنجی یا بەفربارینێ ل رۆژھەڵاتا دەریا رەش بۆ سەر دەڤەرێن چیایی یێن سنووریێن ھەرێما کوردستانێ دێ درێژ بیت و ل دەستپێکێ ژی دەڤەرێن چیایی یێن پارێزگەها دھۆک و ھەولێرێ ڤەگریت، پشترە سباهی دووشەمبی 20/1/2025 لگور دەمی دێ دەڤەرێن ئیدارەیا راپەرین و پارێزگەها سلێمانی و ھەڵەبجە ڤەگریت، ھەروەسا پلەیێن گەرمێ جوداهی دگەل ئەڤڕۆ و سباهی 5 هەتا 6 پلەیان دێ داکەڤیت و بایی رۆژھەڵات و باشوورێ رۆژھەڵات دێ ناڤنجی و چالاک بیت بلەزاتیا 15-35کم ل دەمژمێرەکێدا.”
دبێژیت: “بەفربارین دێ هەمی دەڤەرێن چیایی یێن پارێزگەها ھەولێر و سلێمانی و ئیدارەیا راپەرین و پشکەکا دەڤەرێن چیایی یێن رۆژھەڵاتێ پارێزگەها دھۆکێ ڤەگریت، ل بلنداهیا 800 مەتران ل ئاستێ دەریای و دناڤبەرا 1 هەتا 6 سم دێ ئەگەرێ بارینا بەفرێ هەبیت، ب تایبەتی ل دەڤەرێن سنووریێن حاجی ئۆمەران و سنوورێ دەڤەرا پشدەر و پێنجوێن دێ ڕێژە زێدەتر بیت، ل سەنتەرێ باژێرێ سلێمانیێ ژی ئەگەرێ بارینا بەفرەکا کێم هەیە ل تاخێن بلندێن باکوور و رۆژھەڵات ئەگەرێ سپیپۆشبوونێ ھەیە و رێژەیا وێ دناڤبەرا 0.5 بۆ 2 سم.”
وی شەهرەزایێ سەقاناسیێ بەحسا وێ ژی کر، کاریگەرییا ڤێ پێلێ لسەر دەڤەرێن مە سباهی ئێڤاری دێ ب دوماهیک هێت.
تُتاح هذه الصورة أيضا في: کوردی
