دیوانا سەد سالێن ستەم و تارییێ گەهشتە پەرتۆکخانا بنگههێ لالش
تۆرا لالش
ل رێكهفتی 24/8/2024ێ ل بارەگایێ بنگەهێ لالش دەمێ پێشوازیکرنێ ل میدیاکار وهوزانڤانێ ب روومەت رمزي عقراوي کو ب سوپاسی ڤە دانەیەک ژ دیوانا خو یا ب ناڤێ (مئة عام من الظلم والظلام) پێشكێشی پهرتۆكخانا پیر خدر پیر سلێمان یا بنگههێ لالش كر كو بهرگێ دیوانێ دهربڕینێ ژ بیرئانینا جێنۆسایدا ئێزیدیان دكهت.
ل بارەگایێ بنگەهێ لالش روودانەکا گرنگ هاتە ئەنجامدان ئهوژی کاتژمێر دەهـ و نیڤێ سبێ رێزدار سهعید جردۆ سهرۆكێ بنگههێ لالش پێشوازیەکا گەرم كر ل میدیاکار و هوزانڤانێ ناڤدار رمزي عقراوي ناڤهاتی کەسایەتیەکێ ناڤدار و خودان ناڤ و دەنگێ مهزنه د ناڤ جڤاکێ کوردی و ئێزدی دا.
د ڤێ پێشوازیێ دا رمزي عقراوي ب دلەکێ ڤەکری و رێزگرتنەکا مەزن ڤه دانەیەک ژ دیوانا خۆ یا شعری پێشکێشی پەرتۆکخانا بنگەهێ لالش کر دیوانا وی یا ب ناڤێ (مئة عام من الظلم والظلام) کو تێدا باس ل سەد سالێن ستەم و تاریێ دکەت یێن کو ل سەر گەلێ ئێزدی هاتین.
ئەڤ دیوانە بەرهەمەکێ گرنگە و تێدا هوزانڤان ب شێوەیەکێ هونەری و کاریگەر دبێژیت کا چەوا ئێزیدی د ماوێ سەد سالان دا تووشی زولم و ستەمان هاتینە و چەوا ب سەربلندی بەرخوەدان کرینە.
تشتێ بالکێش ئەوە کو بەرگێ دیوانێ ب وێنەیەکێ تایبەت هاتینە خەملاندن ئەو ژی وێنەیەکە كو دهربرینێ ژ بیرئانینا جێنۆسایدا ئێزدیان دكهت و ئەڤ وێنەیە ب خوە پەیامەکا مەزنە و دبێژیت کا چەندێن مەزناتی و ئازار د ناڤ رویپەلێن ڤێ دیوانێ دا هەنە.
بەرپرسێن بنگەهێ لالش سوپاسیا خو ئاراستەی رمزي عقراوي کرن ژ بەر ڤێ دیاریا هێژا و گۆت: ئەڤ دیوانە دێ بتە ژێدەرەکێ گرنگ ژ بو ڤەکۆلەر و خواندەڤانێن هێژا یێن کو دخوازن پتر ل سەر دیرۆکا ئێزدیان بزانن.
د داویا ڤێ پێشوازیێ دا رمزي عقراوي سوپاسیا خو ئاراستەی بنگەهێ لالش کر ژ بەر ڤێ پێشوازیا گەرم و گۆت: ئهم شانازییێ ب ڤێ یەکێ دکەین کو دیوانا وی دێ ببتە بەشەک ژ پەرتۆکخانا بنگەهێ لالش و دێ بەردەوام بم ل سەر نڤیسین و بەلاڤکرنا بەرهەمێن کو رۆناهیێ دئێخنە سەر دیروک و چاندا ئێزدییان.
تُتاح هذه الصورة أيضا في: کوردی
