حوزه‌یران 16, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

مه‌سرور بارزانى: چاڤه‌رێى سه‌ره‌دانا سه‌رۆككۆمارێ ئیرانێ بۆ هه‌ولێرێ بووین

مه‌سرور بارزانى: چاڤه‌رێى سه‌ره‌دانا سه‌رۆككۆمارێ ئیرانێ بۆ هه‌ولێرێ بووین

گاڤ

سه‌رۆكێ حكومه‌تا هه‌رێما كوردستانێ راگه‌هاند، رویدانا كه‌ڤتنا هه‌لیكۆپته‌را سه‌رۆككۆمارێ ئیرانێ و هه‌ڤالێن وى ئه‌و دلگران كرینه‌، گۆت ژى، ئه‌و چاڤه‌رێى سه‌ره‌دانا سه‌رۆككۆمارێ ئیرانێ بۆ هه‌ولێرێ بوون.

پشتى نیڤرۆیا ئه‌ڤرۆ، مه‌سرور بارزانى، سه‌رۆكێ حكومه‌تا هه‌ر‌ێما كوردستانێ ل كونسۆلخانه‌یا كۆمارا ئیسلامییا ئیرانێ ل هه‌ولێرێ پشكدارى به‌هییا ئیبراهیم ره‌ئیسى، سه‌رۆككۆمارێ وه‌غه‌ركرى یێ ئیرانێ، حوسێن ئه‌میر عه‌بدولاهییان و وه‌زیرێ ده‌رڤه‌ و هه‌ڤالێن وان كر.

سه‌رۆكێ حكومه‌تا هه‌ر‌ێما كوردستانێ د داخۆیانییه‌كا رۆژنامه‌ڤانى دا، راگه‌هاند، ئه‌و هاتینه‌ داكو هه‌ڤخه‌مییا خۆ، به‌هیدارى و سه‌ره‌خۆشیێن خۆ ب رێكا كونسۆلخانه‌یا كۆمارا ئیسلامییا ئیرانێ ئاراسته‌ى رێبه‌رى و سه‌رۆكاتى و حكومه‌ت و گه‌لێ ئیرانێ بكه‌ن و هیڤی خواست دویماهى نه‌خۆشییا گه‌لێ ئیرانێ بیت.

مه‌سروور بارزانى خواست ژى، ئه‌و هیڤیدارن، ئه‌ڤ رویدانه‌ ببنه‌ ده‌رفه‌ته‌ك بۆ نێزیكبوونا گه‌لان و هه‌مى بشێن په‌یوه‌ندیێن باشتر دگه‌ل ئێك دورست بكه‌ن.

سه‌رۆكێ حكومه‌تا هه‌رێما كوردستانێ راگه‌هاند ژى، ئه‌و چاڤه‌رێ بوون پشتى چه‌ند رۆژێن دى پێشه‌وازیێ ل سه‌رۆككۆمارێ ئیرانێ بكه‌ن بۆ هه‌ولێرێ دچارچووڤه‌یێ وێ سه‌ره‌دانا ب نیاز بوو بۆ هه‌ولێرێ بكه‌ت، لێ مخابن ئه‌ڤ رویدانا دلته‌زین هاته‌ پێش و بوو ئه‌گه‌رێ گیان ژ ده‌ستدانا سه‌رۆككۆمارى و هه‌مى هه‌ڤالێن وى.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi