نیسان 14, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

ئه‌ندامه‌كا جڤاتا نوونه‌رێن عيراقێ: مه‌ كاريه‌ گه‌له‌ك پرۆژان بۆ ده‌ڤه‌رێن ماده‌یا 140 بده‌ستخۆڤه‌ بینین

ئه‌ندامه‌كا جڤاتا نوونه‌رێن عيراقێ: مه‌ كاريه‌ گه‌له‌ك پرۆژان بۆ ده‌ڤه‌رێن ماده‌یا 140 بده‌ستخۆڤه‌ بینین

باسنيوز:

ئه‌ندامه‌كا جڤاتا نوێنه‌رێن عێراقێ دیاركر، سه‌ره‌ده‌ریا حكومه‌تا عێراقێ دگه‌ل ده‌ڤه‌رێن ماده‌یا 140 یا زه‌لال نه‌بوو پرۆژه‌ ل ده‌ڤه‌رێن ماده‌یێ 140 بجهـ نه‌دئینان پشتى ئه‌م چووینه‌ په‌رله‌مانێ عێراقێ مه‌ شیایه‌ گه‌له‌ك پرۆژان بۆ ده‌ڤه‌رێن ماده‌یێ 140 ب ده‌ست ڤه‌ بینین “.

كاڤین شێخ سه‌عید، ئه‌نداما جڤاتا نوێنه‌رێن عێراقێ ژ فراكسیونا پارتى دیموكراتى كوردستان بۆ (باسنیوز) راگه‌هاند، مه‌ شیایه‌ گه‌له‌ك پرۆژان بۆ ده‌ڤه‌رێن ماده‌یێ 140 ب ده‌ست ڤه‌ بینین ژ پرۆژه‌یێن هه‌ره‌ گرنگ و مه‌زن پرۆژه‌یێ دروستكرنا جاده‌یا به‌دریك بۆ باعه‌درێ کۆ ئه‌ڤ پرۆژه‌ ب دریژاهیا 22 كم ب گوژمێ 31 ملیار دیناران دهێته‌ بجهـ ئینان نوكه‌ به‌رده‌وام كار ل سه‌ر پرۆژه‌ی دهێته‌ كرن زێده‌بارێ پرۆژه‌یێ شه‌لالات و شێخان و نه‌وه‌ران ئه‌ڤ جاده‌ ب درێژاهیا 21 كم ب گوژمێ 12 ملیار و 500 ملیۆن دیناران دهێته‌ دروست كرن ئه‌ڤه‌ ژى پرۆژه‌كێ گه‌له‌ك گرنگه‌ بۆ شێخان گه‌له‌ك پرۆژیێن جاده‌ و كاره‌بێ و ساخله‌میێ و په‌روه‌ردێ دێ هێنه‌ دروست كرن ل ده‌ڤه‌رێن كوردستانێ یێن گریدایێ ماده‌یێ 40ێ “.

ته‌كه‌ز كر، بۆ مفاداربوونا خه‌لكێ مه‌ ژ چاڤدێریا جڤاكێ هه‌تا نوكه‌ مه‌ شیایه‌ رازه‌مه‌ندێ ل سه‌ر وه‌رگرتنا مۆچه‌یێن چاڤدێریا جڤاكى بۆ پتر سێ هزار خێزانان وه‌ربگرن “.

ئاشكرا كر، د دیفچوونێن مه‌ دا ل سه‌ر ره‌وشا كاره‌بێ مه‌ شیایه‌ رازیبوون ویستگه‌هه‌كا كاره‌بێ یا 33 كه‌ى ڤى ل ئه‌لقوش ب گوژمێ پێنچ ملیار دیناران هاتیه‌ كرن ، ل شێخان ژى ویستگه‌هه‌كا كاره‌بێ یا 13 كه‌ى ڤى ب گوژمێ 40 ملیار دیناران دهێته‌ دانان و ل داقوق ژى ویستگه‌هه‌كا كاره‌بێ یا 132 كه‌ى ڤى ب گوژمێ 20 ملیار دیناران دهێته‌ دانان و ل شنگال ژى ویستگه‌هه‌كا كاره‌بێ یا 132 كه‌ى ڤى ل مه‌خمور ژى ویستگه‌هه‌كا كاره‌بێ دهێته‌ دانان “.

كاڤین شێخ سه‌عید، ته‌كه‌ز كر، رازیبوون بۆ ئاڤاكرنا نه‌خۆشخانه‌كا 100 ته‌ختى ل شێخان هاتیه‌ كرن ل شنگال ژى رازیبوون ل سه‌ر ئاڤاكرنا نه‌خۆشخانه‌یان هاتیه‌ كرن به‌رێ نوكه‌ ل شێخان هژمارا ته‌ختان یا كیم بوو مه‌ داخواز كر هژمارا ته‌ختان بۆ نه‌خۆشان بهێنه‌ زێده‌كرن دگه‌ل دابینكرنا ئامیره‌ و پێدڤیێن نوژارى بۆ نه‌خۆشخانه‌یان وبنگه‌هیێن ساخله‌میێ “.

ئه‌نداما جڤاتا نوێنه‌رێن عێراقێ ژ فراكسیوونا پارتى دیموكراتى كوردستان ، گووت، بجهـ ئینانا ڤان پرۆژه‌ دى بیته‌ ئه‌گه‌ر گه‌له‌ك ژ گه‌نجێن ده‌ڤه‌رێن كوردستانێ بكار بكه‌ڤن وپتر خزمه‌تا خه‌لكێ مه‌ بهێته‌ كرن هه‌مى ده‌ڤه‌ران ئه‌م هه‌مى هه‌ولا ده‌ن نه‌هێلن غه‌در ده‌ڤه‌رێن ماده‌یێ 140 بهێته‌ كرن وپرۆژه‌ بهێنه‌ بجه ئێنان”.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi