سەرۆک بارزانی پێشوازییا کونسولێ گشتیێ تورکیا ل هەولێرێ کر
باسنيوز:
سەرۆك مەسعود بارزانی، پێشوازییا کونسولێ گشتیێ تورکیا ل هەولێرێ كر، ب مەرەما دوماهیک هاتنا ئەركێ كونسولێ توركیا، سەرۆك بارزانی سوپاسییا کونسولێ تورکیا کر و هیڤیا سەرکەفتنێ بۆ خواست د ئەرکێ وی یێ نویدا.
ئەڤرۆ چارشەمبی 24/1/2024، ل سەڵاحەددین، سەرۆک بارزانی پێشوازییا محەمەد مەولوود یاقوت، کونسولێ گشتیێ تورکیا ل هەولێرێ کر، کونسولێ تورکیا ب مەرەما مالئاڤایی ب هەلکەفتا دوماهیك هاتنا ئەرکێ وی ل هەرێما کوردستانێ، سەرەدانا سەرۆک بارزانی کر، خۆشحاڵییا خۆ نیشاندا بۆ وی دەمێ کۆ ل هەرێما کوردستانێ کار کریە، تەکەز ژی لسەر بەردەوامیدان و پێشڤەچوونا پەیوەندیێن دۆستانە د ناڤبەرا هەرێما کوردستانێ و تورکیا کر.
سەرۆک بارزانی سوپاسییا کونسولێ تورکیا کر و هیڤیا سەرکەفتنێ بۆ خواست د ئەرکێ وی یێ نویدا و تەکەز لسەر پێشدەبرنا پەیوەندیێن ناڤبەرا هەردوولا دهەمی سێکتەرێن جودادا کر.
رەوشا دەڤەرێ و عێراقێ و دوماهیک پێشهات و ئاڵۆزی تەوەرەکێ دی یێ گۆتۆبێژان بوون.
تُتاح هذه الصورة أيضا في: کوردی