دوو کچێن پێشمەرگەیەکێ پشتی 45 سالان ب مالا خوە شادبوون
باسنيوز:
هەیام و زەینەب کچێن پێشمەرگەیێ دێرین خالد کۆچەری بەری 45 سالان ژ ئەگەرێ ڕژێما بەرێ یا عیراقێ ژ مالباتا خوە هاتنە دابڕین کو ئێک ژوان د تەمەنێ 3 سالی و یا دیژی تەمەنێ 5 سالیبوون دەمان بەرزەبوون، ل دویڤدا بەرەڤ وەلاتێ سوریێ ڤە چووینە و دگەل خێزانەکا کوردێن ڕۆژئاڤا ژیاینە.
هەردوویان هەڤژینی دگەل دوو گەنجێن کوردێن ڕۆژئاڤا پێکئینایە، ل سالا 1999 ئێک ژ وان بەرەڤ وەلاتێ ئەلمانیاڤە دچیت و یا دیژی ل سالا 2011 پشتی شورەشا خەلکێ سوریێ پەنابەری ئەلمانیا دبیت و ل وێرێ دژین.
بەری دەمەکێ پشکنینێن خوە د پرۆگرامەکێ ناساندنا DNA دا داناینە و ئاماژەیەک بۆ ئاشکەرابوونا خێزانا وان د وی پرۆگرامی دا دەرکەڤتیە هەتا بەری دوو مەهان ب رێیا وان پشکنینان ب مالباتا خوە شادبوون.
خالد کوچەر بەری چەند سالان وەغەرا دووماهیێ کریە و ب کەسەرا دیتنا کچێن خوە ژ دۆنیایێ بارکریە پشتی مرنا هەردوو کچێن وی زەینەب و هەیام ڤەگەریانە باژێرێ سێمێلێ و دناڤا کەسوکارێن خوەدا.
تُتاح هذه الصورة أيضا في: کوردی
