کرستیانێن عێراقێ ئاهەنگ و رێورەسمان بۆ هەلکەفتا سەر سالێ ئەنجام نادەن
باسنيوز:
گرووپێن کەنیسێن عێراقێ ئاشکراکر کۆ بۆ هەلکەفتا سەر سالێ ئاهەنگ و چالاکی و رێورەسم ل کەنیسێن عێراقێ برێڤە ناچن، ژبەرکۆ ل حکوومەتا عێراقێ نەرازینە و داخازیێن وان جێبەجێنەکرنە.
ل دوور ڤێ یەکێ، رێکخراوا ئۆبن دووری کریستیانی بڵاڤکر کۆ سەرپەرشتیارێن کەنیسێن عێراقێ ل سەر داخازا کاردیناڵ لویس ساکۆ ل قەزا عەنکاوا هەولێرێ کومبوون و بریاردا هەمی ئاهەنگ و رێورەسمێن ب هەلکەفتا سەر ساڵا نوی ل باژێرێن عێراقێ نەکەن ب سەدەمێ کارەساتا هۆڵا حەمدانیێ و قوربانیێن غەززە.
هەروەسا ئەوێ رێکخراوێ بەحسا وێ کر، ل کۆمبونێدا بەحسا هندێ هاتیە کرن کۆ حکوومەتا عێراقێ داخازیا مەسیحیان جێبەجێ نەکریە و چ پێنگاڤەکا جددی بۆ پاراستنا مافێن کریستیانان نەهاڤێتیە.
بەسەدەمێ خرابیا رەوشا ئەمنی و سیاسیا عێراقێ بەشەکا زۆرا کریستیانێن عێراقێ هاتنە هەرێما کوردستانێ و بەشەکا دی ژی بەرەف دەرڤەی عێراقێ کۆچباربوونە.
تُتاح هذه الصورة أيضا في: کوردی
