حكومهتا ههرێمێ بۆ جۆتیاران: د 45 رۆژان دا فۆرما زانیاریێن دروست پڕ بكهن
گاڤ
حكومهتا ههرێما كوردستانێ داخوازێ ژ ههموو جۆتیاران دكهت د ههیاما 45 رۆژان دا كو ژ ئهڤرۆ دا دهێته ههژماركرن فۆرما زانیاریێن جۆتیارێ دروست پڕ بكهن.
رێڤهبهریا گشتى یا پلاندنان و دیفچوونێ یا حكومهتا ههرێما كوردستانێ داخوازێ ژ ههموو جۆتیارێن ههرێمێ دكهت كو د ههیاما 45 رۆژان دا كو ههر ژ ئهڤرۆ 1-11 تا 15-12 یا ئهڤ ساله فۆرما زانیارییان یا جۆتیارێ دروست پڕ بكهن و كو ناڤێ جۆتیارى و رووبهرێ زهڤیا چاندى ل سهره بۆ وێ یهكێ كێشهیا ب بازاركرن و وهرگرتنا گهنمێ جۆتیاران د چارچۆڤێ پلانا سالانه یا وهرگرتنێ دا ب ههڤكارى ل گهل وهزارهتا چاندن و بازرگانى یا حكومهتا فیدرالى و وهزارهتا بازرگانى و پیشهسازى یا حكومهتا ههرێما كوردستانێ بهێته چارهكرن.
ههروهسا دیاركریه، بۆ ڤێ مهرهمی ژى ههموو فهرمانگههێن وهزارهتێ ب ههڤكارى لقێن ئێكهتیا جۆتیاران و جڤاتا گوندان و لژنهیا مهیدانى پێكبنن و سهرهدانا زهڤیێن جۆتیاران بكهن و زانیاریان د فۆرمێن ئامادهكرى دا تۆمار بكهن.
حكومهتا ههرێما كوردستانێ راگههاند، ههر جۆتیارهك بهرپرسیاره ژ تۆماركرن و دانا زانیاریان ل دهما پڕكرنا فۆرمێ و ئهو زانیارینه دێ بنه بنهمایێ مامهلهكرنێ ل گهل جۆتیاران ل دهما هنارتنا لیستا دروست یا ناڤان بۆ وهزارهتا بازرگانى و وهزارهتا چاندنا حكومهتا فیدرالى.
تُتاح هذه الصورة أيضا في: کوردی