نیسان 14, 2024

Lalish Media Network

صحيفة إلكترونية يومية تصدر باشراف الهيئة العليا لمركز لالش الثقافي والاجتماعي في دهوك - كوردستان العراق

“حكومه‌تا هه‌رێمێ و حكومه‌تا فیدرالى لژنه‌یه‌كا هه‌ڤپشك بۆ دارشتنا یاسایا نه‌فت و غاز پێكئینان”

“حكومه‌تا هه‌رێمێ و حكومه‌تا فیدرالى لژنه‌یه‌كا هه‌ڤپشك بۆ دارشتنا یاسایا نه‌فت و غاز پێكئینان”
گاڤ

لژنه‌یه‌كا هه‌ڤپشك یا حكومه‌تا هه‌رێما كوردستانێ و حكومه‌تا فیدرالى ژ بۆ دارشتن و دانانا یاسایا نه‌فت و غاز یا فیدرالى هاته‌ پێكئینان.

دانان و په‌سه‌ندكرنا یاسایا نه‌فت و غاز ب ئێك ژ خالێن سه‌ره‌كى یێن دانوستاندنێن هه‌ولێر و به‌غدا د حه‌فتیێن بۆرى دا بوو و تا نوكه‌ پێشنیار و پرۆژه‌ بۆ ره‌شنڤیسا یاسایێ د به‌رده‌وامن.

په‌رله‌مانتار فیراس موسلماوى ئه‌ڤرۆ ئێكشه‌مبیێ بۆ ئاژانسا فه‌رمى INA راگه‌هاند “لژنه‌یه‌ك هاته‌ پێكئینان كو ژ وه‌زیرێ په‌ترۆلێ یێ ئیراقێ، وه‌زیرێ سامانێن سرۆشتى یێ هه‌رێما كوردستانێ، رێڤه‌به‌رێ گشتى یێ سومۆ، كادرێ پێشكه‌فتى د وه‌زاره‌تا په‌ترۆلێ یا ئیراقێ دا زێده‌بارى پارێزگه‌هێن به‌رهه‌مهینه‌ر بۆ په‌ترۆلێ پێكدهێت”.

ديار ژى كر “ئه‌ركێ وێ لژنه‌یێ دانانا ره‌شنڤیسا یاسایا نه‌فت و غازه‌ و پاشى پێشكێشكرنا وێ بۆ حكومه‌تێ و جڤاتا نوینه‌رێن ئیراقێ”.

ئاماژه‌ دا وێ چه‌ندێ ژى كو “دو مادده‌ د یاسایا بودجه‌یێ یا ئه‌ڤ ساله‌ دا هاتینه‌ زێده‌كرن، ئه‌و ژى رێكخستنا به‌رهه‌مئینانا په‌ترۆلا هه‌رێمێ ژ روویێن هنارتن و دانانا داهاتێ وێ د به‌نكه‌كا رێكپێداى ژ لایێ به‌نكا ناڤه‌ندى ڤه‌”.

ناڤهاتى ل دۆر ده‌مێ پێدڤی بۆ دارشتنا ره‌شنڤیسا یاسایا نه‌فت و غاز پێشبینیكر كو د ڤى وه‌رزێ یاسادانانێ دا بیت و سه‌باره‌ت ده‌مێ پێدڤى بۆ په‌سه‌ندكرنا یاسایێ پێشبینیكر كو د وه‌رزێ بهێت یێ یاسادانانێ دا بیت ئانكۆ پشتى نزیكى 4 هه‌یڤان.

تُتاح هذه الصورة أيضا في: کوردی

مقالات ذات صله

الرد

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Copyright © 2021 by Lalish Media Network .   Developed by Ayman qaidi