هه‌رێما كوردستانێ پێشوازيێ ل بڕياره‌كا په‌رله‌مانێ ئه‌لمانيا دكه‌ت
گاڤ نيوز
ئه‌ڤرۆ رۆژا ئه‌ينيێ هه‌ر ئێك ژ نێچيرڤان بارزانى سه‌رۆكێ هه‌رێما كوردستانێ و مه‌سرۆر بارزانى سه‌رۆكێ حكومه‌تا هه‌رێما كوردستانێ پێشوازى ل بڕياره‌كا په‌رله‌مانێ ئه‌لمانيا ل دۆر درێژكرنا كارێ هێزێن ئه‌لمانى ل ئيراقێ كرن.
سه‌رۆكێ هه‌رێما كوردستانێ د تويته‌كێ دا رادگه‌هينيت “سوپاسيا په‌رله‌مانێ ئه‌لمانيا دكه‌م ژبه‌ر بڕيارا درێژكرنا ماوه‌يێ مانا هێزێن ئه‌لمانى ل ئيراقێ”.
راگه‌هاند ژى: داعش هێشتا مه‌ترسيه ل سه‌ر ئاشتيا جيهانى و سه‌قامگيريا هه‌رێمايه‌تى و پێدڤيه شيانێن هه‌ڤپشك بۆ شكاندنا تيرۆرێ د به‌رده‌وام بن.
ژ لايێ خۆڤه، سه‌رۆكێ حكومه‌تا هه‌رێمێ د تويته‌كێ دا راگه‌هاند “پێشوازيێ ل بڕيارا په‌رله‌مانێ ئه‌لمانيا بۆ درێژكرنا ئه‌ركێ سه‌رباز و راوێژكارێن ئه‌لمانى ل هه‌رێما كوردستانێ و ئيراقێ دكه‌م”.
راگه‌هاند ژى: ئه‌ڤ بڕياره بۆ راهێنانا هێزێن پێشمه‌رگه‌ى و سوپايێ ئيراقێ يا گرنگه.
ئه‌ڤرۆ د كۆمبوونا په‌رله‌مانێ ئه‌لمانيا دا ب ده‌نگێ پتريا په‌رله‌مانتاران بڕيار ل سه‌ر درێژكرنا ماوه‌يێ مانا هێزێن ئه‌لمانى ل ئيراقێ و هه‌رێما كوردستانێ بۆ نه‌هـ هه‌يڤێن دى هاته دان.
تُتاح هذه الصورة أيضا في: کوردی
