پەرلەمانێ عیراقێ بریار دا هێزێن هەڤپەیمانان ژ عێراقێ بهێنە دەرکرن
ئەڤرۆ نیوز:
ئەڤرۆ ئێکشەمبی 5/1/2020 پەرلەمانێ عێراقێ د روونشتنەکا نە ئاساییدا پرۆژە بریارەکا پێنج خالی پەسەندکر و بریار دا هێزێن هەڤپەیمانان ژ عێراقێ بهێنە دەرکرن.
ئەو خالێن پەرلەمانێ عیراقێ بریار ل سەر داین پێکهاتینە ژ ئەڤان خالان:
. هەلوەشاندنا وان داخوازیێن کو پێشتر عێراقێ هنارتی بۆ هەڤپەیمانیا دژی داعشێ.
. پێدڤیە ل سەر حوکمەتا عێراقێ، رێکێ نەدەت چ هێزێن بیانی ب هەر هۆکارەکێ بیت ئاخ و ئاڤ و ئەسمانێ عیراقێ ب کار بینیت.
. سنۆردارکرنا چەکی و دڤێت د دەستێ دەولەتێ دا بیت.
. دڤێت وەزیرێ دەرڤە یێ عێراقێ ل نەتەوێن ئێکگرتی سکالایێ ل دژی ئەمریکا تۆمار بکەت،ب ئەگەرێ پێشێلکاریێن مەترسیدار یێن وی وەلاتی ل دژی عێراقێ.
. حوکمەتا عێراقێ بلەز ڤەکولینێ بکەت ژ هێرشێن ئەمریکا و ئەنجامێن وێ بگەهینیته پەرلەمانی.
هەروەسا فراکسیۆنێن کوردستانی پشکداری د روونشتنا ئەڤرۆ یا پەرلەمانێ عیراقێ دا نەکر.
FacebookTwitterPrint
تُتاح هذه الصورة أيضا في: کوردی
