توركیا دێ ئۆپهراسیۆنهكا لهشكری ل ههرێمێ ئهنجام دهت
ئهڤرۆ نیوز:
رهجهب تهیب ئهردوگان سهرۆك كۆمارێ توركیا راگههاند، سۆپایێ وهلاتێ وی دێ ئۆپهراسیۆنێ ل قهندیلی دژی چهكدارێن پهكهكێ ئهنجام دهت.
ئهردۆگان ئهڤرۆ د كۆنگرهكێ رۆژنامهڤانی دا بهری بهر ب چینێ ب رێ ب كهڤیت، راگههاند كو وهلاتێ وی یا پێدڤی بیت دێ كهت بۆ بهرسینگگرتنا داعش و د ئامادهنه بۆ ب دووماهی ئینانا ههموو “گرۆپێن تیرۆرستی”.
گۆتژی: “بڕیارا ئهمریكا بۆ ب چهككرنا یهپهگێ دێ ههڤركیێ د ناڤبهرا پهیوهندیێن ستراتیژی یێن ئهمریكا و توركیا دا دروست كهت”.
ب گۆتنا ئهردۆگان “ئهمریكا نوكه د قووناغهكا ڤهگوهاستنێ دا دژیت و پێدڤیه د ههستیار بین و ب هشیار سهرهدهریێ ل گهل بكهین”.
سهرۆك كۆمارێ توركیا بهحس ل وێ چهندێ ژی كر كو شاندهك رهوانهی ئهمریكا كریه و كۆمبوون ل گهل بهرپرسێن پهیوهندیدار ئهنجام دایه دهربارهی چهككرنا یهپهگێ و سهرهدانا ڤێ جارێ د وێ دهربارێ دا دێ یا ئێكلاكهر بیت.
9ی گۆلانا ئهڤ ساله ئیدارا دۆنالد ترهمپ سهرۆكێ ئهمریكا رهزامهندی دهربڕی ب دانا چهكی ب یهپهگێ سهرهرایی نهرازیبوونا دژوارا توركیا كو یا ههڤدهم بوو ل گهل نێزیكبوونا سهرهدانا ئهردۆگان بۆ ئهمریكا.
ئهردۆگان ئاماژه ب وێ چهندێ ژی كر كو د چارچۆڤێ سهرهدانا خوه دا بۆ ئهمریكا دێ پرسا فهلستین و فهتحولا گولهن ل بهری ههر تشتهكێ بهرنامێ كارێ وی بیت.
تُتاح هذه الصورة أيضا في: کوردی
