سوپاسالارێ پێشمەرگەى:پەکەکە رێگرە ل ڤه‌گەريانا خەلكێ ناوچێ و ئاڤەدانكرنا شنگالێ

دهۆک-KDP.info-

  ئەگەر پەكەكە هاتووە لە شنگال كێشە دروست بكات، خۆی توشی كێشە دەكات، چونكە پەکەکە ڕێگرە لە گەڕانەوەی خەڵكی ناوچەكە و ئاوەدانكردنەوەی شنگال و بەردەوام كێشە بۆ ناوچەكە دروست دەكات.

فەریق (جەمال ئیمینكی)، سوپاسالاری وەزارەتی پێشمەرگە بە ماڵپەڕی  فەرمیی پارتی دیموكراتی كوردستانی گوت: ”پێش ئێستا داوامان لە پەكەكە كردووە، ئێستاش داوا لە پەكەكە دەكەین، شنگال چۆڵ بكات، لەگەڵ ئەوەی پێویست بوو پەكەكە شنگالی چۆڵ كردبایە، چونكە شنگال بەشێكە لە هەرێمی كوردستان، بە هیچ شێوەیەك قبووڵ ناكەین، شنگال و چیای شنگال ببنە مەیدانی شەڕ.”

فەریق (ئێمینكی) گوتیشی: ”پەكەكە دەبێ ئاقڵانە بیر بكاتەوە، نەك خۆی بە خاوەنی ناوچەكە بزانێت، كە هیچ پەیوەندیشی بە ناوچەكەوە نییە، ئەگەر لە ڕابردوودا هاتبوو هاوكاریی خەڵكی ناوچەكە بكات، ئێستا خەڵكی ناوچەكە پێویستیان پێی نەماوە، دەبێ ناوچەكە چۆڵ بكات، بەڵام ئەگەر هاتووە كێشە دروست بكات، خۆی تووشی كێشە دەكات، چونكە پەکەکە ڕێگرە لە گەڕانەوەی خەڵكی ناوچەكە و ئاوەدانكردنەوەی شنگال و بەردەوام كێشە بۆ ناوچەكە دروست دەكات.”