تۆرا لالش
ڤهكولینهكا نووی یا زانكویا ئۆکسفۆردێ دیار دكهت كو ڤهخوارنا پهرداخهكا شیری د روژهكێ دا، مهترسیا نهخوهشیا شێرپهنجێ ب رێژا ٪۲۰ كێم دكهت.
روژناما “زه گاردیان” یا بهریتانی بهلاڤ كریه كو ههر ۳۰۰ میلی گرامێن كالسیومێ د روژهكێ دا، كو دبته نیڤ لیترا شیری مهترسیا توشبوونا ڤێ نهخوهشیێ ب رێژا ٪۱۷ كێم دكهت.
كێرین پاپییر، ڤهكولهر و پسپورێ خوارنێ ل زانكویا ئۆکسفۆردێ دبێژیت: ئهڤ ڤهكولینه بهلگهیێن ب هێز نیشان ددن كو بهرههمێن شیری یارمهتیدهرن بۆ پاراستنا لهشی ژ شێرپهنجا قولونێ ژبهركو كالسیوم یا تێدا، كالسیوم چ ژ شیری بت یان ژ ژێدهرێن دی پێكهاتهكا سهرهكیه بو كێمكرنا مهترسیا نهخوهشییان.
شێرپهنجا ریخولێ سێیهم شێرپهنجا بهربهلاڤه ل جیهانێ، كو سالانه نێزیكی دوو ملیون كهس توشی دبن و ئێك ملیون كهس ژی ب ڤێ نهخوهشیێ دمرن.
سهرهرای ئامارێن ترسناك، ڤهكولین دیار دكهن كو پتر ژ نیڤا حالهتێن شێرپهنجا ریخۆلێ، دشێن ب رێیا خوارن و شێوازێ ژیانێ بهێنه پاراستن.
ئهڤ گهۆرینه پێك تێن ژ پاراستنا كێشهكا تهندروست، خوارنا زێدهتر یا ریشالی، چالاكیا لهشی و دویركهتن ژ جگارهكێشانێ.
ڤهكولینێ، كو بهرنامێ خوارنا زێدهتر ژ 530 هزار ژنان د ماوێ 17 سالان دا ڤهگرتیه، پشتراست كر كو كالسیوم دشێت رێ ل شێرپهنجا ریخولێ بگرت، لێ گوشتێ سۆر یان خوارنێن دهستكرد مهترسیێ زێده دكن.
تُتاح هذه الصورة أيضا في: کوردی