دێ چاوا پیستێ خوه ژ سه‌رمایا زڤستانێ پارێزى؟
خانى نيوز:
رۆژنامه‌یا “گاردیان” یا بریتانی چه‌ندین شیره‌ت بۆ هاریكارییا خودانێن پیستێ هشك داكو چاڤدێیا پیستێ خوه بكه‌ن ل وه‌رزێ زڤستانێ و تووشی چ تێكچوونێن مه‌زن نه‌بن. ژبه‌ركو پیستێ هشك ب درێژاهییا سالێ پێدڤی ب چاڤدێرییه‌كا تایبه‌ته ب تایبه‌ت وه‌رزێ زڤستانێ.
– جلكێن سوفی ل به‌ر خوه نه‌كه، چونكی جلێن زڤر ب زێده‌هی كارتێكرنێ ل پیستێ هشك دكەن، له‌وا هه‌ول بده وان جلكان ل به‌ر بكه‌یی، یێن ژ په‌مبی هاتینه دورستكرن، یان ژی نه‌رم بن.
– ئه‌و سابینێن كحۆل ل ناڤ پێكهاته‌یا وان دا بكارنه‌ئینه، چونكی شێدارییا پیستی ژناڤ دبەن، جهێ ئاماژه‌یێ یه كو پتریا ژناڤبه‌رێن خوهدانێ و سابینێن بهێنخوه‌شكه‌ر كحول یا ل ناڤ دا.
– بكارئینانا وان جلێن رێگریێ ل هلمبوونا ئاڤێ دكەن، كو زانا دبێژن ل زڤستانێ دا له‌ش 25% ژ شیانێن خوه بۆ پاراستنا شێداریێ ژ ده‌ست ددەت، له‌وا هه‌ول بده لحافه و ده‌ستگورك و جلێن ستویر ل به‌ر بكەی.
– ڤه‌مان دناڤ سه‌قایێ گه‌رم یێ ناڤ مالێ دا دبته هانده‌ر بۆ هشكبینا پیستی، له‌وا ئامیره‌یێ شێداركرنا هه‌وایی دمال دا بكاربینه.
– شیره‌تا ژ هه‌مییان گرنگتر ل وه‌رزێ زڤستانێ دا ڤه‌خارنا ئاڤێ یه، له‌وا شیره‌ت دهێنه كرن ئاڤ بهێته ڤه‌خارن، خوه ئه‌گه‌ر یێ تێهنی ژی نه‌بی.
– بكارئینانا كریمێن شێداركرنا پیستی رێكه‌كا چالاكه بۆ چاره‌سه‌رییا پیستێ هشك، له‌وا وان كریمێن ترشێ لاكتیك یان لاكتات ئه‌مونیوم دناڤ پێكهاته‌یا وان دا هه‌یی بكاربینی.
– د زڤستانێ دا خوه ژ سه‌رشوویێن گه‌رم دویر بێخه، هه‌ر چه‌نده دڤی ده‌مێ سالێ دا ئه‌سته‌مه ب ئێكجاری سه‌رشوویێن گه‌رم بكارنه‌ئینی، به‌لێ هه‌ول بده ل دویڤ شیانان گه‌رما وێ یا كێمتر بیت.
تُتاح هذه الصورة أيضا في: کوردی
