فرۆكەیەكا ئهمریكی دوو ساله ب نهێنی ل بۆشاييا ئاسمانى بوو
باسنيوز:
فڕۆكەیەكی بۆشایی ئاسمانی كە سەر بە هێزە ئاسمانییەكانی ئەمەریكایە، دوای ئەوەی بۆ ماوەی دوو ساڵ بۆ كارێكی نهێنی لە بۆشایی ئاسمان مابووەوە، لە بنكەی كێنێدی سەر بە ئاژانسی ئاسمانیی ناسا لە فلۆریدا نیشتەوە.
بەرپرسانی هێزی ئاسمانیی ئەمەریكا لەبارەی نیشتنەوەی فڕۆكەی (X-37B) لە رۆژی یەكشەممە رابردوودا، كە لە كاتی نیشتنەوەیدا دەنگێكی زۆری لێ بەرز بووەوە و خەڵكی فلۆریدا تووشی شۆك بوون، رایانگەیاند بە تەوسەوە چاوەڕوانی وەرگرتنی ئەو زانیارییانەن كە فڕۆكەكە كۆی كردوونەتەوە.
هێزی ئاسمانیی ئەمەریكا لە بەیاننامەیەكدا رایگەیاندووە كە بەرنامەكەیان بۆ پەرەپێدانی فڕۆكەی بۆشایی ئاسمان و كەشتی ئاسمانی بەردەوام دەبێ و دەشتوانن چەندین جاری تر ئەو فڕۆكەیە بەكاربێننەوە.
ئەم بەیاننامەیە لە كاتێكدایە كە نیشتنەوەی فڕۆكە ئاسمانییەكەی ئەمەریكا چەندین پرسیاری لە نێوەندە سیاسییە نێودەوڵەتییەكان دروست كردووە، بە تایبەتی كە هیچ زانیارییەك لەبارەی ئەركە نهێنییەكەی لە ماوەی 24 مانگی رابردوودا لە بۆشایی ئاسمان نەگوتراوە.
جێی باسە ساڵی 2010، لەو كاتەی ئەمەریكا دەستی بە پرۆژەی كاركردنی هێزی ئاسمانیەكەی لە بۆشایی ئاسمان كرد، ناڕەزاییەكی گەورەی نێودەوڵەتی لێكەوتەوە، ئەوكات ناڕەزاییەكان دژی ئەوە بوون كە بۆشایی ئاسمانیش تێكەڵی ململانێ سەربازییەكانی سەر زەوی بكرێ.
تُتاح هذه الصورة أيضا في: کوردی
