گه‌نجه‌كێ شنگالێ ژیانا خۆ ب كارێ په‌یكه‌رتاشیێ دابین دكه‌ت
تۆڕا لالش یا راگه‌هاندنىِ/دلگه‌ش نه‌واف
عه‌زیز جه‌لال،گه‌نجه‌كێ خه‌لكێ شنگالێ یه و نۆكه ل كه‌مپا چه‌م مشكۆ كارێ په‌یكه‌رتاشیێ دكه‌ت،بتر ژ 70 نیشانگه‌ه و مه‌زارگه‌هێن ئێزدیان دروستكرینه و ب ڤى كارى ژیانا خۆ دابین دكه‌ت.
عه‌زیزى بۆ رۆژناما ده‌نگێ لالش دیاركر،د ته‌مه‌نه‌كێ بچووكدا ل به‌ر ده‌ستێ مامێ خۆ فێرێ ئه‌ڤى كارى بوویمه و ئه‌ڤ كاره دناڤ ژیانا ئاواره‌بوونێ دا یێ ب زه‌حمه‌ته،به‌لێ هه‌رده‌م خێزان و كه‌س و كارێن من پشته‌ڤانێن بووینه له‌ورا سه‌ركه‌فتى بوویمه،پشتى ل سالا 2014رێكخراوا تیرۆرستى یا داعشێ نیشانگه‌ه و مه‌زارگه‌هێن ئێزدیان خراب كرین و ژناڤ برین،بزاڤ كرن بتر كارى ل سه‌ر دروستكرنا نیشانگه‌ه و مه‌زارگه‌هان بكه‌م و نۆكه بتر ژ 70دروستكرینه و ژیانا خۆ ب دروستكرنا وان دابین دكه‌م،گه‌له‌ك ژى كرینه دیارى و پێشكێشى هنده‌ك كه‌سایه‌تیان كرینه.
ناڤهاتى خواست هاریكاریا وى بێته كرن،داكو كارێ خۆ به‌رفره‌هتر لێ بكه‌ت.
عه‌زیز جه‌لال،ژدایكبوویێ 1998ێ و خه‌لكێ كۆمه‌لگه‌ها سیبا شێخدرێ یه ل باشوورێ چیایێ شنگالێ،نۆكه ل كه‌مپا چه‌م مشكۆ ل سنوورێ ئیداره‌یا سه‌ربه‌خۆ یا زاخۆ ئاكنجى یه.
س.س
تُتاح هذه الصورة أيضا في: کوردی
